"Ювентус"нинг Санчо билан шартнома имзолаши учун биргина муаммо ҳалақит қилмоқда

Италия клуби ҳужумкор қанот ярим ҳимоячиларини изламоқда. "Фиорентина" футболчиси Нико Гонсалеснинг трансфери амалга ошмаганидан кейин "бьянконери" Санчони "Манчестер Юнайтед"дан ижарага олиш вариантларини кўряпти.

"Ювентус" 24 ёшли футболчини 40 млн фунтга сотиб олиш шарти билан ижарага олишни режа қилмоқда.

Фақатгина бир муаммо бор: маош. Футболчи "Юнайтед"да йилига 20 млн евро маош олади. "Ювентус" эса бундай катта маош тўлай олмайди.

Санчо ўтган мавсумни Дортмунднинг "Боруссия"си таркибида ижарада ўтказди. Ушбу мавсумда эса АПЛнинг 1-турида "Фулхэм"га қарши ўйнамади.