"Ювентус" ярим ҳимоячиси 5та ўйинга дисквалификация қилиниши мумкин

Ўйин "Альянц-Ювентус" стадионида бўлиб ўтди ва баҳс 2:1 ҳисобида мезбонларнинг ғалабаси билан якунланди. Баҳс охирида Турин клуби ярим ҳимоячиси Дуглас Коста "Сассуоло" ҳужумчиси Федерико Ди Франческо юзига тупургани учун қизил карточка олди. Икки дақиқа олдин Дуглас ҳакам кўз ўнгида Ди Франческога боши билан зарба беришга уриниб, сариқ карточка билан жазоланган эди. Бундан ташқари Коста тирсаги билан рақибининг юзига шикаст етказишга ҳаракат қилди.

Италия футболи регламенти бўйича, ушбу қоидабузарликларни амалга оширган Дуглас Коста 5та ўйинга дисквалификация қилиниши мумкин.