"Ювентус" катта товон пулидан қўрқиб, Аллегри билан хайрлашмоқчи эмас

Маълумотларга кўра, сўнгги ўйинлардаги омадсизликларга қарамай, жамоа бош мураббийида иш жойини сақлаб қолиш учун имконият бор.

Италия Кубогидаги ғалабанинг ўзи етарли бўлмайди, жамоа мавсум стартидаги натижалари ва ўйинини тиклаши лозим.

Аллегри ҳозирча мавсум учун қўйилган вазифа - Чемпионлар лигаси йўлланмасини қўлга киритишни уддалаяпти (жамоа жадвалда 3-ўринда).

Шу билан бирга 56 ёшли мутахассисни катта товонпули учун истеъфога чиқаришмаяпти. Клуб ҳар йили бутун бошли мураббийлар штабига 20 млн. евро тўлайди.

Аллегри ва "Ювентус" ўртасидаги битим 2025 йилнинг ёзида якунига етади.