“Ювентус” 959 дақиқа гол ўтказмади, бу А Серия тарихидаги иккинчи натижа
01 апр 2018 09:04
Новости

“Ювентус” 959 дақиқа гол ўтказмади, бу А Серия тарихидаги иккинчи натижа

Туриннинг “Ювентус” клуби Италия А Сериясининг навбатдаги турида “Милан”ни мағлуб (3:1) этди.

“Россонерилар” ҳимоячиси Леонардо Бонуччининг собиқ жамоасига урган голи “Ювентус”нинг қуруқ сериясига чек қўйди. Туринликлар ўз дарвозаларидан чемпионат баҳсларида 959 дақиқадан бери гол ўтказмай келишаётганди.

Бу А Серия тарихидаги иккинчи натижа ҳисобланади. Бундан аввалги рекорд ҳам айнан “Ювентус”га тегишли эди. Туринликлар 2016 йилнинг бошида ўз дарвозалари дахлсизлигини 974 дақиқа сақлаб туришганди.