Ёзда "Барселона"ни саккиз футболчи тарк этади

Ушбу рўйхатга қуйидаги футболчилар киради: Андрес Иньеста, Алейкс Видаль, Андре Гомеш, Денис Суарес, Пако Алькасер, Арда Тура, Рафинья Алькантара, Херард Деулофеу.

Андрес Иньеста ёзда Хитой клубига ўтиши эълон қилинган эди. Унга "Тяньцзинь Цюаньцзянь" клуби қизиқиш билдирмоқда.

Алейкс Видаль қишда "Севилья"га ўтиши ҳақида хабар берилган эди, аммо ушбу трансфер амалга ошмади. Каталония клуби унинг ўрнига "Арсенал" ҳимоячиси Эктор Бельеринни сотиб олмоқчи.

Андре Гомешга "Ювентус" ва "Тоттенхэм" қизиқиш билдирмоқда, аммо ҳозирча расмий таклиф бўлмади.

Денис Суарес "Барселона" ўйинига киришиб кета олмади ва Вальверде ёзда ундан қутилиш ниятида. Денис фаолиятин АПЛда давом эттирмоқчи, бироқ унга инглиз клуби эмас, А Серия вакили "Наполи" қизиқмоқда.

Пако Алькасер ёзда жамоани тарк этиши эҳтимоли катта. "Барселона" бу футболчи ўрнига "Атлетико" форварди Антуан Гризманни харид қилиш ниятида.

Ижара асосида бошқа клубларда тўп тепаётган Арда Туран, Рафинья Алькантара ва Херард Деулофеу ўша жамоалар томонидан сотиб олиши кутилмоқда.