“Ёшлик” - очиқ биринчилик ғолиби

Биринчиликда мезбонлардан ташқари Қорақалпоғистон республикаси ва  Навоий вилоятларидан жами 14 та жамоа қатнашди. Дастлаб учрашувлар тўрт гуруҳда олиб борилди. Сўнгра, ўз гуруҳларида яхши кўрсаткичга эга бўлган саккизта жамоа чорак финалда майдонга тушди. Ўз навбатида ушбу жуфтлик ғолиблари ярим финалда ўзаро куч синашишди.

Ярим финал
Урганч ОЗК(Урганч) – “Турон”(Нукус) – 0:1,
“Ёшлик”(Урганч)-“Дўстлик”(Урганч) – 2:0.

Ҳал қилувчи учрашувда “Ёшлик” жамоасининг ёш футболчилари нукуслик тенгдошларини 3:2 ҳисобида мағлубиятга учратиб, қутлуғ айём муносабати билан уюштирилган очиқ биринчилик ғолибига айланишди. “Дўстлик” жамоасига учинчи ўрин насиб этди.

- Спорт мактабимиз томонидан байрамлар ва шонли саналар муносабати билан мусобақалар ташкил этишни анъанага айлантирганмиз, - дейди Урганч шаҳридаги СЎЕАИБЎСМнинг йўриқчи-услубчиси Анвар Алимов.-Бу гал ҳам бундан мустасно бўлмади. Албатта, бундан ёш “чарм тўп” усталаримиз жуда хурсанд бўлишди. Айниқса, биринчилигимизда Қорақалпоғистон республикаси ва Навоий вилояти  жамоаларининг иштироки мусобақамиз нуфузини янада ошириб юборди.

-  Жамоам финалгача етиб келганидан жуда хурсандман, - дейди “Турон” жамоаси мураббийи Жалғашбай Сарсенов. -  Мусобақа юқори савияда ўтказилди. Асосийси, ушбу ўйинлар шогирдларимнинг маҳоратининг ошишига хизмат қилди. Умид қиламанки, келгусида улар орасида юртимиз довруғини кўкларга кўтарадиган спортчилар етишиб чиқади. Бунга аминман.
   

Икром ХУДОЙБЕРГАНОВ