Хушхабар! Ўзбекистон футзал терма жамоаси Литвадаги жаҳон чемпионатида иштирок этади
20 апр 2021 19:51
Новости

Хушхабар! Ўзбекистон футзал терма жамоаси Литвадаги жаҳон чемпионатида иштирок этади

Теги : Ўзбекистон футзал терма жамоаси футзал бўйича Жаҳон чемпионати

Осиё футбол конфедерацияси охирги қитъа биринчиликларидаги натижаларни ҳисоблаб, жаҳон чемпионатига йўл олувчи термаларни саралаб олди.

Эшитдик-да! Ўзбекистон терма жамоаси футзал бўйича Жаҳон чемпионатига саралашсиз йўл олади

Унга кўра, Эрон, Япония ва Ўзбекистон футзал термалари тўғридан-тўғри Литвадаги жаҳон чемпионатига йўлланма олди.

Қолган 2 ўрин эгаси эса 4 та жамоа ўртасида аниқланади ва улар плей-оффда қатнашади. Булар: Ливан, Ироқ, Таиланд ва Вьетнам.

Жаҳон чемпионатига йўлланма берувчи Осиё чемпионати пандемия сабаб ўтказилмайдиган бўлганди. ОФК мундиал йўлланмасига эга чиқувчи жамоаларни саралашсиз аниқлаб олишга қарор қилди.

Футзал бўйича навбатдаги Жаҳон чемпионати 2021 йил 12 сентябрь - 3 октябрь кунлари Литва мамлакатида бўлиб ўтади.

Эслатиб ўтамиз, Ўзбекистон футзал терма жамоаси Жаҳон чемпионатида 2016 йил Колумбия паркетларида дебют қилган ва гуруҳда қолиб кетганди.

Ссылка :

Источник : Championat.asia

Получайте новости прямо в Telegram!

Рейтинг: +78