RU

Последние новости

17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  0 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  0 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  2 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  6 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  4 12:40Ла Лига раҳбари Тебас клублар ўртасидаги ЖЧ ҳақида: "Бу турнир бошқа ўтказилмаслиги учун қўлимдан келган барча ишни қиламан"  10 12:15Дьокереш инглиз клуби билан келишиб олди  2 11:47Факт: Вадим Абрамов жамоаси Виталий Левченко бошқараётган "Нефтчи"ни ҳали ютмаган  10 10:48Бугун аёллар терма жамоамиз Лаосга қарши баҳс олиб боради  0 10:19Суперлига. 15-тур расмийлари маълум. Марказий учрашувни Лутфуллин бошқариб боради  7 09:44Алонсо ғалабадан сўнг ўз фикрларини билдириб ўтди  11 09:17Ўзбекистон кубоги. Бугун сўнгги чорак финалчилар аниқланади  4 08:48Ўзбекистон МТЖ аъзоси “Пахтакор“га қайтиши мумкин  20 08:20Клублар ўртасидаги ЖЧ. Чорак финал жуфтликлари билан танишинг  31

Хоразмда “Чарм тўп” турнирининг жамоалари сараланмоқда Новости

Хоразмда “Чарм тўп” турнирининг жамоалари сараланмоқда

Жойларда Ўзбекистон жисмоний тарбия ва спорт вазирлиги, МОҚ, ЎФА ва бошқа тегишли ташкилотлар ҳамкорлигида маҳаллаларнинг 18 ёшдан 30 ёшгача бўлган ҳаваскор футболчилардан иборат жамоалар ўртасида ўтказилаётган “Чарм тўп-2019” анъанавий республика турнирининг шаҳар ва туманлар босқичлари ўтказилаётир.

Хусусан, Хоразм вилоятида турнирнинг иккинчи босқичи байрамона тарзда уюштирилмоқда. Бу “миллионлар ўйини” ихлосмандларида нафақат футбол учрашуви, бунинг баробарида, ўзига хос спорт байрами сифатида ҳам катта тассуротлар қолдиряпти. Бинобарин, ҳар бир учрашув олдидан ташкил этилаётган ёш спортчиларнинг кўргазмали чиқишлари, санъаткорларнинг кенг қамровли концерт дастури томошабинларга хуш кайфият улашаётир.

Хонқа тумани босқичининг ҳал қилувчи учрашуви Сарапоён қишлоғида бўлиб ўтди. Унда “Гулғунча” ва “Дўрман” маҳаллаларининг жамоалари ўзаро баҳс юритишди. Ишқибозларга кўплаб ҳаёжонли дақиқаларни улашган мазкур беллашувда “Гулғунча” жамоаси 2:1 ҳисобида ғалаба қозониб, вилоят босқичи иштирокчисига айланди.

Янгиариқ тумани босқичининг ҳал қилувчи учрашуви Болалар-ўсмирлар спорт мактабининг стадионида ўтказилди. Финал учрашувида “Қармиш” ва “Янгиариқ” маҳаллаларининг жамоалари майдонга тушишди. Ушбу учрашувнинг асосий вақтида дуранг натижа қайд қилинди. Натижада, қўшимча бўлимлар ажратишга тўғри келди. Ўйиннинг мазкур қисмида хужумкор ўйин намойиш қилган “Янгиариқ”ликлар муҳим ғалабани қўлга киритишди, 4:3. Ушбу ютуқ туман маркази футболчиларига “Чарм тўп” мусобақасининг вилоят босқичида қатнашиш ҳуқуқини берди.

Ҳозирда воҳанинг бошқа ҳудудларида ҳам “Чарм тўп” турнирининг иккинчи босқичи ғолиблари аниқланмоқда. Мусобақанинг Хоразм вилояти босқичи эса жорий йилнинг 12-13 август кунлари Урганч ихтисослаштирилган олимпия захиралари мактаб-интернатининг стадионида бўлиб ўтади.


Икром ХУДОЙБЕРГАНОВ, Хоразм вилоятидан.


Рейтинг: +1   

Комментарии

championat.asia
< посмотреть последние новости
Яндекс.Метрика