Хитой – Ўзбекистон ўртасидаги учрашув олдидан журналистларимиз қандай фикрда?
31 авг 2017 14:49
Новости
![](https://championat.asia/upload/storage/275303_original.jpg)
![](/upload/storage/275303_220.jpg)
Хитой – Ўзбекистон ўртасидаги учрашув олдидан журналистларимиз қандай фикрда?
Ушбу баҳс олдидан ҳамкасбларимиз ўз фикрларини билдириб ўтишди.
Даврон Файзиев (Спорт шарҳловчиси)
“ Марчелло Липпи кучли мураббий, лекин Липпи қай даражада янги ғоялар билан иш олиб боряпти буни билмайман. Балки замонавий футболга мослашгандир, балки ҳали аср бошидаги ғоялари билан ишлаётгандир. Умид қиламанки иккинчи вариант. Хитойда босим бўлмайди. Бошқа томондан мотивация етишмовчилиги бўлади. Биринчи фактор дастлабки дақиқаларда уларга ёрдам беради. Иккинчи фактор эса иккинчи бўлимда бизга фойда келтиради. Ўзбекистон миллий терма жамоасини ушбу учрашувда ғалаба қозонишига ишонаман”.
Акрамжон Мамадалиев ("Қўқон-1912" клуби матбуот котиби)
“Бугунги ўйинда жамоамиздан фақат ғалаба кутяпман. Тўғри, осон эмас. Лекин Ўзбекистон терма жамоасининг ҳозирги кундаги салоҳияти Хитой терма жамоасидан кучли, деб ҳисоблайман. Мен Хитойликлар ўз жамоаларини қандай даражада қўллашларини ўз кўзим билан кўрганман. Бугун ана шу қўллаб-қувватлаш мезбонларга юқори босим олиб келишига ва натижада улар хатоларга йўл қўйишларига умид қиламан. Биз ғалаба қозонишимизга ишонаётганимга яна бир сабаб, терма жамоамиз таркибида йўқотишлар йўқ. Денисовнинг сафга қайтгани ҳам жамоамизни янада кучайтиради. Бизга бугун бироз омад келса бўлгани, кўзланган мақсадга эришамиз. Бугун терма жамоамиздан 1:0 ҳисобидаги ғалабани кутяпман”.
![](https://championat.asia/upload/storage/275267_680.jpg)
Хайрулла Холиқов (championat.asia сайти ходими)
"Бугун фақат ютиш керак, ортга йўл йўқ! Футболчиларимизнинг салоҳияти рақибникидан кучли ва айнан шу нарса менда ғалабага бўлган ишончни орттирмоқда. Хитойни машҳур италиялик мураббий Марчелло Липпи бошқараётгани бошқа масала, барибир ҳаммасини майдондаги ўйинчилар ҳал қилади. Биз мана шундай муҳим баҳсларда ғалабага эришиб ўз кучимизни кўрсатишимиз керак. Келаси йил Россияда бўладиган жаҳон чемпионатига боришни ҳаммамиз жуда истаймиз.
У ерга боришга Хитойдан кўра биз яқинроқмиз, шунинг учун ҳам бугун ютишимиз шарт. Тўғриси, мени асосий таркиб қандай бўлиши-ю, захирадан кимлар тушиши сира ўйлантираётгани йўқ, фақат ғалаба ва уч очкодан умидворман. Ўйлайманки, бугун ким майдонга тушмасин, ҳамма бор кучини бериб ҳаракат қилади. Агар астойдил ўйнасак, ғалаба албатта биз томонда бўлади. Чунки савия, ўйинни ташкил қилиш ва ижрочилар борасида Хитойдан устунмиз".
![](https://championat.asia/upload/storage/275269_680.jpg)
Омонжон Тўхтамирзаев (championat.asia сайти ходими)
"Ўйиндан олдин ўтказилган матбуот-анжуманида ҳар икки мураббий учрашув аҳамияти, жамоалар ғалаба учун борларини беришларини айтиб ўтишган бўлсада, очиқ, голларга бой ўйин бўлиши қийин менимча. Бу вазиятда чиндан ҳам натижа чиройли футболдан муҳимроқ. Ҳар икки жамоа биринчи навбатда ўз дарвозалари дахлсизлиги ҳақида қайғуришади. Сабаби, гол ўтказиб юборган жамоа ўйинга қайтиши ва мақсадига етиши анча мушкул бўлиб қолади. Қайсидир маънода мағлуб бўлгандан дурранг ҳам термамиз имкониятларини сақлаб қолади. Ҳа, ғалаба қозона олсак, яхши бўларди. Аммо ҳа деганда тўп рақиб дарвозасига киравермаса, ўйин сўнгида Бабаян таваккал қилиб, бор кучни ҳужумга ташлашига ишонмайман.
Хитой ўз навбатида Липпининг тажрибасига суянади. Қўшимчасига тан олиш керак, Хитой футболи маълум даражада ўсишга эришди ва берилаётган эътибор маҳаллий футболчилар савиясига ҳам таъсир қилмай қолмади".
![](https://championat.asia/upload/storage/275279_680.jpg)
Жаҳонгир Сотволдиев (championat.asia сайти ходими)
"Бугун
Ўзбекистион миллий терма жамоаси учун хаёт-мамот учрашуви бўлади. Агарда миллий
терма жамоамиз бугун ғалаба қозонса мундиал чиптасини 90 фоизга нақд қилади. Хитой
терма жамоасини Гао Хонбо тарк этганидан сўнг унинг ўрнига италиялик машҳур
мутахассис Марчелло Липпи таклиф қилинди. Италиялик мутахассис Хитой терма жамоасини қабул
қилиб олганидан сўнг, кўпчилик футбол мухлислари бугунги рақибларимиз ҳақида
турли хил фикрлар билдиришди. "Запорожец"га Шумахер ўтирса, у Феррари бўлиб
қолмайди, "Запорожец"лигича қолади. Шунинг учун Хитой терма жамоаси ҳақида турли
хил фикрлар билдириш керак эмас. Бугун вакилларимиз ўз ўйинларини кўрсатишлари
керак ва яратилган имкониятлардан фойдаланишлари керак. Бугун вакилларимиз иккита тўп фарқи билан ғалаба қозонишади".
Зоҳир Акрамхонов ("Локомотив" клуби матбуот хизмати)
"Жаҳон чемпионати саралашининг сўнгги босқичига кучсиз терма жамоалар етиб келмайди. Тўғри, ҳар иккала гуруҳда ҳам аутсайдерлар бор. Лекин ўша аутсайдерлар ҳам бундан аввалги босқичларда қитъамизнинг қолган терма жамоаларидан устун эканликларини намойиш эта олишган. Бундай фикрни Хитой термаси ҳақида ҳам билдириш мумкин. Чин юрти терма жамоаси - Осиёда ўз нуфузига эга. Уларда яхши чемпионат бор, мураббийининг тажрибасига эса шак-шубҳа бўлиши мумкин эмас. Лекин бугунги баҳсда Ўзбекистон миллий терма жамоасини рақибдан бироз бўлса-да устунроқ, деб ҳисоблайман. Зеро рақибга қараганда бизнинг терма жамоада Осиёнинг бир қатор мамлакатларида муваффақиятли фаолият олиб бораётган легионер футболчилар мавжуд. Хитойликлар эса асосан ўз миллий чемпионатидаги жамоаларда ўйнайдиган футболчилар асосида ўйин ташкил этишади. Қолаверса, сўнгги бир неча йилда қайд этилаётган натижалар ҳам Ўзбекистоннинг Хитойдан устунроқ эканини кўрсатиб турибди. Мезбонларга эса фақат ўз майдонида ўйин ўтказиши ва ўз мухлислари далдаси устунлик тақдим этиши мумкин. Маҳорат ва тажриба бобида эса бизнинг йигитлар рақибдан олдинда. Ўйлашимча, бугун миллий терма жамоамиз иккита тўп фарқи билан Хитойни мағлуб этади ва Мустақиллик байрами арафасида бутун халқимизга қувонч улашади".
Фурқатбек Нишонов ("Обод" клуби матбуот хизмати)
“Бугунги ўйин мундиал йўлланмасини хал қилиши болис, футболчилар майдонда қандайдир иштиёқ билан ҳаракат қилишади. Битта ҳақиқат бор, биз Хитой терма жамоасизадн кучлимиз. Уларда Марчелло Липпи ишласин майли, Хитой футболига катта-катта маблағлар сарифлансин майли, лекин футболчиларнинг салохияти борасида биз улардан кучлимиз. Бугун шунчаки тўғри ўйин кўрсатиш керак хато қилмаслик керак. Шу ўйингача қилган хатолар ва танқидларни барасини четга суриб қўйган ҳолда тўғри ўйин кўрсатиш керак. Биздан кўра кўпроқ футболчилар мундиал йўлланмасини қўлга киритишни хоҳлайди. Бугунги ўйинда кўп нарса мураббийга боғлиқ. Чунки бизнинг футболчилар бундай даражадаги ўйинларни иштирок этиб пишиб бўлган. Хоҳласа хоҳламаса майдонда мураббийнинг кўрсатмаси муҳим рол ўйнайди. Бўлган танқидларга ғалаба билан жавоб қайтариш вақти келди. Биз Хитойдан кучлимиз, буни ғалаба қозониб исботлаб бериш керак”.
![](https://championat.asia/upload/storage/275288_680.jpg)
Шуҳратбек Жўраев ("Футбол экспресс" газетаси мухбири)
"Бугун минимум дуранг натижа қайд этамиз. Хитой терма жамоасида ҳам босим бизникичалик кам эмас. Бизни мураббийлар ва футболчилар кўп танқидлардан етарли хулосалар чиқаришганига ишонаман. Бугун Ўзбекистон терма жамоаси тўлиқ ҳимояга асосланган ўйин кўрсатмайди. Ҳужумкорлик бизникиларнинг асосий вазифаларидан бирига айланади. Хитой биздан яққол кучли эмас. Улар жамоавий ўйин эвазига бир очко олиши мумкин холос. Аммо уларнинг энг катта устунлиги Марчелло Липпи. Шундай бўлсада, Хитойдан яхши натижа билан қайтамиз".
![](https://championat.asia/upload/storage/275302_680.jpg)
Похожие новости
![AMP Logo](https://championat.asia/image/logo-amp.png)
Комментарии