Вячеслав Солохо: “Биз “Пахтакор–79” жамоасини ҳеч қачон унутмаймиз”

Шу кун ўзбек футболи жамоатчилиги учун қора ҳарфлар билан ёзиб қўйилди. Биз ҳар йили 11 август санасида кўзимизда ёш билан “Пахтакор – 79” жамоасини хотирлаймиз. Эртага йигитларимизнинг бу ёруғ дунёдан кўз юмишганига 37 йил бўлади. Собиқ футбол ва мураббий Вячеслав Солохо “Пахтакор – 79” жамоасини бир зум хотирлади.

-  Мудҳиш фожиа туфайли “Пахтакор–79” жамоасидан айрилдик. Ҳозир ёш тажрибали футболчилар етишиб чиқмоқда. Биз ҳар доим уларга мухлислик қиламиз. Ҳамид Рахматуллаев, Михаил Ан, Покатилов, Владимир Фёдоров, Сирожиддин Бозоров булар “Пахтакор”нинг асосий футболчилари бўлган. Виталий Суюнов Баймурадович ҳам “Пахтакор” таркибида 1960 йилдан 1968 йилгача ўйнаган. У ҳам бу ёруғ оламни тарк этди. Афсуски ўша авиаҳалокатда бутун бир тажрибали ажойиб йигитлардан айрилдик. Идгай Тазеддинов ажойиб мураббий эди. Михаил Ан “Пахтакор” жамоасини сардори эди. Биз “Пахтакор – 79” жамоасини ҳеч қачон унутмаймиз”, - дейди фаҳрий футболчи Вячеслав Солохо.

Жаҳонгир Сотволдиев