"Водий футболи": Водий дербисида "Навбаҳор" ғолиб бўлди

"Навбаҳор" - "Андижон": Водий дербисида "лочинлар" зафар қучди

Бахтиёр Ашурматов бошчилигидаги "Навбаҳор" клуби ўз майдонида "Андижон"ни мағлуб этди. Азим Аҳмедовнинг ягона голи "лочинлар"га 5 ўйинлик ғалабасиз сериясига баҳрам беришга ёрдам берди.

"Навбаҳор" сўнгги бор 18-турда "Нефтчи"ни мағлуб этгач кетма-кет 5та ўйинда юта олмаганди.

"Андижон"нинг эса аксинча ғалабасиз серияси учта ўйинга етди. Ўтган турларда "Шўртан" билан дуранг ўйнаган, "Локомотив"га ютқазган "бургутлар" водий дербисида "Навбаҳор"га ютқазди.

"Нефтчи": Ғалабали серия 4та ўйинга етди

Фарғонанинг "Нефтчи" клуби 24-турни ўз уйида "Пахтакор"га қарши ўтказиб 3:2 ҳисобида зафар қучди.

Шу тариқа, "Нефтчи" ўзининг ғалабали сериясини 4та ўйинга етказиб олди. Фарғоналиклар "Сўғдиёна", "Бунёдкор" ва "Динамо"дан сўнг "Пахтакор"ни таслим қилишди.


"Қўқон-1912": Ғузорда "Шўртан" билан дуранг ўйнадик

Рустам Абдуллаев бошчилигидаги "Қўқон-1912" жамоаси кеча Ғузорда "Шўртан" меҳмони бўлиб 2:2 ҳисобида дуранг ўйнади. Игорь Голбан ва Ориф Мамажонов томонидан урилган голлар қўқонликларга сафардаги муҳим дурангни келтирди.