"Водий футболи": "Нефтчи" бугун Ғузорга қараб йўлга чиқади

"Қўқон-1912": Игорь Голбан 25 ёшга тўлди

Бугун жамоамизнинг маҳоратли ҳимоячиси, мухлисларнинг ёқимтой футболчиси россиялик легионер Игорь Голбаннинг туғилган куни. Игорь Голбан бугун 25 ёшга тўлди.
 
Шу муносабат билан футболчимизни "Қўқон-1912" ФК раҳбарияти, мураббийлар штаби, футболчилар ва барча ишчи ходимлар , қўқонлик футбол ишқибозлари номидан табриклаймиз. Унга узоқ умр. сиҳат-саломатлик тилаймиз.


"Андижон": Янгиларга рақамлар берилди

Тажрибали ҳужумчи Анвар Бердиев, шунингдек, ҳимоячи Иқбол Бобохонов ва ярим ҳимоячи Абдуллоҳ Олимов иккинчи даврада “Андижон”да ўтказишади. Бу футболчиларни майдонда қайси рақамлар остида ўйнаши ҳам маълум бўлди.

Анвар Бердиев 13-рақам остида тўп тепади. Бобохоновга 5-рақам ва Олимовга 30-рақамли футболка берилди.

Шу жумладан тажрибали ҳимоячи Илҳом Суюновни ҳам жамоамиз сафига қўшилиши кутилмоқда. Агар у ҳам руйхатдан ўтказиладиган бўлса, Суюнов 27-рақам остида ҳаракат қилади.


"Нефтчи": Бугун Ғузор сари йўлга чиқамиз

Фарғонанинг "Нефтчи" клуби бугун Тошкентга қараб йўлга чиқади.

Мурод Исмоилов бошчилигидаги жамоа олий лиганинг 16-турида Ғузорда "Шўртан" меҳмони бўлади. Ўйин 2 август куни бўлиб ўтади.

Жамоа бугун тунда пойтахтдан Қарши шаҳрига поездда жўнаб кетади.