"Водий футболи": "Навбаҳор"да дуранг, "Андижон"да мағлубият

"Андижон": "Бунёдкор"га йирик ҳисобда ютқаздик

“Андижон” жамоасини Тошкентда ўтказаётган тайёргарлиги давом этмоқда. Жамоа кеча “Бунёдкор” клубига қарши ўртоқлик учрашувини ўтказди. Ўйинда Эдгар Гесс бошчилигидаги жамоа 1:4 ҳисобида ютқазиб қўйди. Ягона голни Анвар Бердиев пенальтидан собиқ жамоаси дарвозасига урди.

Бугун "бургутлар" “Олмалиқ” ўринбосарлари билан куч синашади. Учрашув соат 18:00да Қибрайдаги стадионда бўлиб ўтади. 26 июль куни эса Дукентда “Динамо” жамоасига қарши ўйин бўлиб ўтади.


"Навбаҳор": "Динамо" билан дуранг

Наманганнинг "Навбаҳор" клуби кеча Самарқанднинг "Динамо" клубига қарши ўртоқлик учрашувини ўтказди.

Бахтиёр Ашурматов бошчилигидаги жамоа учрашувда 2:2 ҳисобида дуранг ўйнади. Шаҳбоз Эркинов ва Роббим Ҳасанов самарқандликлар дарвозасини ишғол қилишди. Таркибда Акмал Ортиқов, Алибобо Раҳматуллаев, Наврўз Алимов каби янги футболчилар майдонга тушишди.

Энди "лочинлар" 26 июль санасида эса Ғузорнинг “Шўртан” жамоаси билан куч синашади.

"Навбаҳор" - "Динамо" 2:2
Голлар: Шаҳбоз Эркинов, Роббим Ҳасанов - Ҳамдамов, Магеррамов
Учрашувда "Навбаҳор" таркиби қуйидагича бўлди: Акмал Ортиқов, Алишер Саматов, Бобир Акбаров, Азим Аҳмедов, Роббим Ҳасанов, Дилшод Жабборов, Тоҳир Шамсиддинов (Раҳматилло Бердимуродов), Илҳом Бойдедаев, Алишер Маҳмудов (Ғайрат Жўраев), Шаҳбоз Эркинов, Алибобо Раҳматуллаев (Наврўз Алимов).


"Қўқон-1912": Ҳайдаров, Нурбоев, Қобилов ва Комилов билан шартнома тузилди

Рустам Абдуллаев бошчилигидаги "Қўқон-1912" жамоаси иккинчи даврага тайёргарликни давом эттирмоқда. Жамоа сафида кўрикда бўлган қозоғистонлик Александр Киров тиббий кўрикдан ўта олмай ўз юртига қайтиб кетди.

Отабек Ҳайдаров, Айбек Нурбоев (иккиси "Нефтчи"), Суҳроб Қобилов ва Илҳом Комиловлар (иккиси "Сўғдиёна") иккинчи даврани “Қўқон-1912” жамоаси сафида ўтказишади.