Виталий Левченко: "Сиз "Нефтчи" бош мураббийимисиз?"
16 июн 18:31
Новости

Виталий Левченко: "Сиз "Нефтчи" бош мураббийимисиз?"

Суперлиганинг 11-туридан ўрин олган "Нефтчи" - "Сурхон" (1:1) учрашувидан сўнг мезбонлар бош мураббийи Виталий Левченко матбуот анжуманида иштирок этди.

Ўйин ҳақида

- Биринчи бўлимда рақиб дарвозасига 2 та гол уришимиз мумкин эди. Аксинча, ўз дарвозамиздан ёш болаларча хато эвазига гол ўтказиб юбордик. Иккинчи бўлимда рақиб чуқур ҳимояланди, қанотлар орқали ҳужумларни ривожлантиришга ҳаракат қилдик.

- Нсунгусу Эффионг алмаштирилишига сабаб нима бўлди?

- Унинг ўйинини кўрган бўлсангиз, хатоликларга йўл қўйди. Якка курашларда рақибга бой берди, ҳужумдаги фаоллиги кўзга ташланмади. Сиз жамоа бош мураббийимисиз? Бош мураббий бўлсангиз, шундай қарор қабул қилишингиз мумкин. Биз ундаги камчиликларни кўрдик ва алмаштирдик.

- Иккинчи бўлимда жамоа асосан қисқа узатмаларга таяниб ўйнади. Бу сизнинг кўрсатмангиз эдими?

- 11 киши ҳимояда ўйнаган жамоага бошқа қандай услуб қўллаш мумкин? Иккинчи бўлимда захиралар орқали қанотлардаги фаолликни оширдик. Қисқа узатмалар орқали кўпроқ вазият яратишга уриндик, бироқ рақиб чуқур ҳимоявий услубда ўйнади.