"Лочин" стадиони қурилиши авжида
05 фев 12:10
Новости

"Лочин" стадиони қурилиши авжида

Келаётган мавсумда Про лигада иштирок этадиган Қарши давлат университетининг "Лочин" клуби учун олийгоҳ ҳудудида барпо этилаётган янги стадионда қурилиш ишлари жадал давом этмоқда.

"Ҳозирга қадар майдоннинг асоси ҳамда дренаж тизимига оид ишлар якунланган. Айни пайтда майдон учун замонавий суғориш тизими ўрнатилди, чим асосини ташкил этувчи қум қаватини майдонга ётқизиш ишлари бошлаб юборилди.

Шунингдек, жамоалар учун мўлжалланган кийиниш хоналари, матбуот анжуманлари зали ҳамда бошқа зарурий хоналар жойлашадиган бинода таъмирлаш ишлари давом этмоқда", – дейилади ПФЛ маълумотида.