RU

Последние новости

13:13Ямалнинг иш ҳақини ошириоали. У "Барса"да энг кўп маош оладиган футболчилар учлигига киради  1 12:46"Олтин тўп"га даъвогарларнинг янгиланган рейтинги эълон қилинди. Ким фаворит?  2 12:15Гвардиола Де Брюйненинг хайрлашув ўйини ҳақида: "Кевин сотиб олиб бўлмайдиган чексиз муҳаббатга эришди"  1 11:48"Ал Иттиҳод"нинг асосий трансфер мақсади аниқ: Клуб АПЛ юлдузи учун 120 млн евро тўламоқчи  0 11:20Гарначо: "Финалгача ҳар босқичда майдонга тушдим, жамоага ёрдам бердим ва бу ўйинда 20 дақиқа ўйнадим..."  6 10:58Варди фаолиятини АПЛнинг бошқа жамоасида давом эттириши мумкин  1 10:31МЮ барча даврларнинг антирекордини такрорлади  8 10:05Сон Хён Мин илк совринини қўлга киритганидан сўнг йиғлаб юборди  8 09:37Расман: “Барселона“ Флик билан шартномани узайтирди  3 09:08Ангелос Постекоглу: “Мен ҳали ҳам нима бўлганини тушунишга ҳаракат қиляпман“  8 08:40Sofascore. “Ал Фейҳа“ мағлуб бўлди, Шукуров эса  2 08:12Аморим кечаги мағлубиятдан сўнг нималар деди?  13 07:45Sofascore. Финални энг ёмон ўйинчиси ким бўлди?  5 07:17Европа лигаси. Финалнинг учрашувнинг "man of the match"и маълум  13 01:59"Тоттенхэм" "Манчестер Юнайтед"ни мағлуб қилиб, Европа лигасида ғолиб чиқди! Энди лондонликларда ҳам соврин бор!  98

Виталий Левченко: "Ҳимояда тартибли, ҳужумда эса унумли ўйин кўрсатишга ҳаракат қилдик" Новости

Виталий Левченко: "Ҳимояда тартибли, ҳужумда эса унумли ўйин кўрсатишга ҳаракат қилдик"

Coca Cola Суперлига 8-туридан ўрин олган "Нефтчи" – "Насаф" учрашувидан сўнг мезбонлар бош мураббийи Виталий Левченко матбуот анжуманида қатнашди


- Ўйин ҳақида

- Бугун биз лиганинг энг кучли жамоасидан бири билан ўйнадик. Ҳозирда улар энг кучли ўйинлардан бирини кўрсатишмоқда. Уларга қарши ўйнаш қийин, айниқса, очиқ футбол. Шу сабаб ҳам биз ҳимояда тартибли, ҳужумда эса унумли ўйин кўрсатишга ҳаракат қилдик. Қайсидир вазиятларда уддаладик, баъзиларида эса йўқ. Асосийси, мухлисларимизни бугун хурсанд қила олдик. 

- Владимир Назаров иккита етакчига қарши ўйинда асосий таркибда ўйинни бошлади. Владимир Назаров эндиликда "Нефтчи"нинг асосий дарвозабонига айланди десак бўладими?

- Ҳа, кўриб турганингиздек бизда рақобат бор. Ким ҳақлироқ бўлса, ўша майдонга тушади. Қайсидир ўйинчи майдонга тушишга тайёр бўлмаса, уни бошқа рақобатчиси билан алмаштирамиз. Рақобатсиз ривожланиш бўлмайди. Бугун ҳам Назаров майдонга тушди ва яхши натижа кўрсатдик. 

- Ўйин бошида дарвозабон бир неча хатоларга йўл қўйди. Бу ҳақида нима дея оласиз?

- Бу техник хато. Ишлашда давом этамиз. Кейинги ўйинларда бундай бўлмаслигига ҳаракат қиламиз. Назаров ҳали ёш ва бу хатоларни тўғирлашга улгуради.

- Рубин Хебайга "Нефтчи"га қизиқаётгани ҳақидаги хабарлар қанчалик тўғри?

- Менимча, "Андижон" клуби раҳбарининг сўзларини эшитдингиз. У Хебай кичик суммага сотилмаслиги, уни ўз сафида кўрмоқчи бўлган клуб каттагина пул билан жамоага муражаат қилиши кераклигини айтди. Унга қизиқдик, бу рост, аммо биз катта пулга ўйинчи сотиб ола олмаймиз. Биз ўз бюджетимиздан келиб чиққан ҳолда ишлаймиз. Юқоридаги мавзу бўйича савол бўлиши мумкин эмас. Балки, бойроқ бўлган Саудия Арабистони ёки Қатар клублари у футболчини сотиб олишлари мумкиндир. 

- "Урал" клуби билан ўйин сизнинг режаларингизга қандай таъсир кўрсатади? Чунки ўша пайтда кўпгина жамоалар дам олишда бўлишади.

- Йўқ, ҳеч қандай таъсир ўтказмайди. Биз учун бу ўйинлар ижобий таъсир қилади. Фарғонада ҳам футбол байрами бўлади. Сабаби, РПЛ клуби бизнинг стадионга ташриф буюради. Бу бизга ёмон таъсир кўрсатмайди. 

- Мухлисларга нима деган бўлардингиз?

- "Нефтчи" мухлисларига катта раҳмат. Сизда шундай мухлислар бўлса, жамоада иккинчи нафас йўли очилади. Мухлислар биз учун катта куч беришади. Чарчоқни ҳис қилмайсиз. Жамоада қанча кўп мухлис бўлса, у шунчалик яхши ўйин кўрсатади.

- "Нефтчи" ортиқча шов-шувларсиз мавсумга киришди. Ҳозирда совринлар учун курашмоқда. Иккинчи даврадаги жамоанинг режадари қандай?

- Биз ишлашда давом этамиз. Жамоага бироз янги қон керак. Асосий таркибни ҳам, захирани ҳам кучайтиришга ҳаракат қиламиз. Таркиб борасида муаммога дуч келмасликка ҳаракат қиламиз. Бу борада ишлашда давом этамиз.

Рейтинг: +21   

Комментарии

championat.asia
< посмотреть последние новости
Яндекс.Метрика