Виталий Денисов Россия чемпионати биринчи қисми рамзий термасидан ўрин олди

Sports.ru сайти чемпионатнинг дастлабки қисмида ўзини кўрсата олган энг яхши футболчилардан рамзий терма жамоа тузиб чиқди. Қувонарлиси ундан Ўзбекистон миллий терма жамоаси ва "Локомотив" клуби  ҳимоячиси Виталий Денисов ҳам ўрин олган.

Бош мураббий - Леонид Кучук (Локомотив)

Дарвозабон - Юрий Лодигин (Зенит)
Ҳимоячилар - Игорь Смольников (Зенит), Ведран Чорлука (Локомотив), Николас Ломбертс (Зенит), Виталий Денисов (Локомотив)

Янги мавсумда Денисов «Локомотив» билан бирга олдинга катта қадар ташлади. Ҳимоячи фақат қанотда югуришни бас қилиб ҳужумларга ҳам қўшилишни ўрганди. Ўтган мавсумдаги «Зенит»га қарши ўйиндаги хатоларни Виталий бошқа такрорламаяпти, унинг ҳисобида битта гол ва тўртта голли пас бор. Бундан ташқари Денисов жамоасининг бир қатор қарши ҳужумларини бошлаб берган. Бир йил олдин Денисовни ўрнида Андрей Ешенко ўйнагани кўпчиликни ёдидан ҳам чиқиб кетди.

Ярим ҳимоячилар - Лассана Диарра (Локомотив), Денис Глушаков (Спартак), Ивелин Попов (Кубань), Данни (Зенит)

Ҳужумчилар - Юра Мовсисян (Спартак), Артем Дзюба (Ростов)