Виталий Денисов «Локомотив»нинг мавсумдаги энг яхши футболчилари сафидан жой олди
02 июн 2014 14:07
Новости

Виталий Денисов «Локомотив»нинг мавсумдаги энг яхши футболчилари сафидан жой олди

Москванинг «Локомотив» клубида тўп сураётган Ўзбекистон миллий терма жамоаси ҳимоячиси Виталий Денисов, клуб расмий сайти орқали ўтказилган мухлислар сўровида мавсумнинг энг яхши футболчилари орасида 3-ўринда қайд этилди.

Ўтказилган сўров якунларига кўра, Денисов умумий 12,3 фоиз овоз тўплаб Александр Самедов (32,1 фоиз) ва Ведран Чорлука (21,2 фоиз)дан ортда қолиб, умумий рўйхатда учинчи ўринни эгаллади.

Таъкидлаш жоиз, мавсум якунига кўра, Россия Премьер-Лигаси баҳсларида бронза медалларни қўлга киритган Москва «темирйўлчилари» сафида ишончли ўйин намойиш этган Денисов, бунгача икки маротаба ойнинг энг яхши футболчиси сўровида биринчи ўринни эгаллаган эди. Денисов, шунингдек, Россия Премьер-Лигасида тўп сураётган ҳимоячилар орасида гол+пас тизимида энг яхши натижа кўрсатган – (1+6).

Ссылка :

Источник : the-uff.com

Получайте новости прямо в Telegram!

Рейтинг: