Винисиус Ла Лигада ноябрнинг энг яхши футболчиси бўлди

У Испания чемпионатида ноябрь ойидаги учта ўйинида 2 та гол уриб, тўпурарлар рўйхатида 10 та гол билан иккинчи ўринга кўтарилиб олди. Ундан фақатгина жамоадоши Карим Бензема кўп гол урган (12 та гол). 

Бразилиялик футболчидан ташқари ушбу мукофотга Антуан Гризман, Хуанми Хименес, Диего Лопес, Мемфис Депай, Оскар Трехо ва Хоселу даъвогарлик қилганди. 

Октябрь ойида Ла Лиганинг энг яхши футболчиси учун аталган мукофот "Реал Сосьедад" аъзоси Робен Ле Норменга берилганди.