Вилоят ҳокими иштирок этган, янги футболчилар таништирилган тадбирда "Андижон" жамоаси янги мавсум олдидан тақдимот маросимини ўтказди

Бу йил Суперлигага қайтган "Андижон" жамоаси кеча "Ёшлар маркази"да янги футболчилар ва жамоа аъзоларини таништирди. Унда вилоят ҳокими Шуҳрат Абдураҳмонов, клуб раҳбарияти, мураббийлар штаби, мухлислардан иборат фан клуб аъзолари ва янги футболчилар иштирок этди. Унда дастлаб сўзга чиққан вилоят ҳокими Шуҳрат Абдураҳмонов жамоага омад тилаган ҳолда янги мавсум бошланаётгани билан табриклади. 

Қишки трансферлар ойнасида жамоага келиб қўшилган футболчиларга қуйидаги рақамлар берилди. 

Игорь Литовка - 72

Дилшод Комилов - 4

Фарҳод Бекмуротов - 8

Аҳтам Назаров - 91

Леван Арвеладзе - 9 

Сардор Абдунабиев - 11

Сардор Азимов - 13

Нодари Кавтарадзе - 88 

Бобур Фарҳодов - 7

Рубин Хебай - 99

Андижон вилоят ҳокими Шуҳрат Абдураҳмоновга махсус 10-рақамли футболка топширилди. 

Яқинда якунига етган Андижон вилояти ҳокими кубогида зафар қучган ўринбосарлар жамоаси аъзолари ҳам тақдирланди. 

Тадбир давомида жамоанинг бу йилги уй ва сафар либослари ҳам кўрсатиб ўтилди. "Андижон" футболчилари фойдаланадиган қизил форма махсус дизайн асосида буюртма қилинган бўлиб, унда "Бобур Арена" жойлашган жойнинг тапографик харитаси туширилган.  Хаво ранг либосда жамоанинг рамзи ҳисобланган бургут тасвири жойлаштирилган. Бу ҳақида клуб бош директори Улуғбек Мирзаев маълумот бериб ўтди. 

Танишинг "Андижон" - 2023