Виктор Жалилов: "Ҳали қиладиган ишларимиз кўп"

"Бугун ғалаба қозондик. Лекин ҳали қиладиган ишларимиз жуда кўп. Биз энди иш бошладик. Аввало футболчиларнинг имкониятларини синаб кўрамиз. Ким қандай кучга эга эканлигини билишимиз лозим. Қайси чизиқ мени кўпроқ ҳавотирга солаётгани ҳақида гапириш қийин. Агарда Бангладешдаги иштирокни таҳлил қиладиган бўлсак, унда кўпроқ ҳужум чизиғимизда муаммолар борлиги билинади. Ўша мусобақада ҳужум чизиғимизда камчиликлар кузатилганди. Бу борада ҳали ишлар олиб борамиз. Замонавий футболда гол уриш учун кўплаб вазиятлар яратиш зарур. Ҳозирги йиғинда жуда кўплаб янги футболчиларни синовдан ўтказмоқдамиз. Бу йиғин орқали уларнинг имкониятларини яхши таҳлил қилиб чиқсак бўлади. Лекин ҳали олдинда яна ўйинлар бор. Шу боис ҳозирдан бир нима дейиш қийин. 20 июлда яна йиғин ўтказилади ва ўшанда олимпия терма жамоасининг асосий футболчилари чақирилади. ҳозирги йиғинда қатнашаётган футболчилар ўзларини кўрсатиб, асосий жамоага лойиқ эканликларини исботлашлари лозим. Бу борада уларда имконият бор", - дейди Виктор Романович.


Шаҳбоз Беғамов суҳбатлашди.