Виктор Херманс: "Балки Эронга тўқнаш келмаганимиз ҳам яхшиликкадир"

“Ўтган сафар жуда жаҳлим чиққанди ва қорним оч эди (кулади). Шу боис кўпчилик мени жаҳлдор мураббий деб ўйлади. Мағлубиятни ёқтирмайман. Бугунги ўйинга келсак Вьетнамни мағлуб этганимиздан хурсандман. Тақимдан норозиман. Ўйинлар деярли ҳар куни ўтказилди. Плей-офф баҳсларида жамоалар натижани ўзлари учун тўғрилаб олишлари мумкин бўлди. Ҳакамлар борасида ҳам норозилик билдираман. Австралиялик ҳакам Ўзбекистон терма жамоаси иштирокидаги 4та ўйинда ишлади. Бу тўғри эмас. Мен ўзимни эмас спортни ўйлаб шуларни айтдим”, - дейди мураббий.

- Мусобақада Таиланд мағлубиятга учрамади. Кейинги режалар қандай?
- Биринчи навбатда уйга бораман ва оила аъзоларимни кўраман. Таиланд Футбол Ассоциациясида янги президент сайланди. Агар у билан фикримиз бир жойдан чиқсагина Колумбияга бораман. Акс ҳолда уйда қоламан.

- Вьетнам мураббийи учинчи голдан сўнг ҳакамни танқид қилди. Унинг ҳам қорни оч бўлганмикин?
- Балки шундай бўлгандир. Ҳакам бўлиш осон эмас. Лаҳзаларда қарор қабул қилиш керак. Аммо мен айтган нарсалар умуман бошқа нарса.

- Ўзбекистон ҳақида қандай фикрдасиз?
- Таиландни Ўзбекистондан кучли деб ҳисоблайман. Балки Эрон билан ўйнамаганимиз ҳам яхши бўлди шекилли. Вьетнам Эронга 1:13 ҳисобида ютқазганини барча кўрди. Биз бугун Вьетнамни мағлуб этиб мусобақани яхши кайфиятда тугатдик. Таиланд ва Ўзбекистон ўртасидаги баҳсда имкониятлар тенг эди.

- Таиланддан Жаҳон чемпионатида нима кутишимиз мумкин?
- Агар биз гуруҳдан чиқсак жуда хурсанд бўлардим. Юқорида айтганимдек ҳозирча Колумбияга боришим ҳам сўроқ остида. Бундан ташқари кўп нарса қуръага ҳам боғлиқ. Балки сиз журналистларни ҳам Колумбияда кўриб қолармиз.

Нарзулла Сайдуллаев