Виктор Кумиков: “Олмалиқ” олдига ОЧЛ йўлланмасини қўлга киритиш вазифаси қўйилган”
01 мар 2017 19:08
Новости
![](https://championat.asia/upload/storage/242670_original.jpg)
![](/upload/storage/242670_220.jpg)
Виктор Кумиков: “Олмалиқ” олдига ОЧЛ йўлланмасини қўлга киритиш вазифаси қўйилган”
Жамоа бош мураббийи, россиялик Виктор Кумиков тадбирда берилган саволларга жавоб қайтарди.
“Янги мавсум олдидан учта йиғин ўтказдик. Биринчиси декабрь ойида Тошкентда бўлиб ўтди. Кейин Туркиянинг Анталия шаҳрида иккита йиғин олиб бордик. Олдимизга қўйган барча режаларни амалга оширдик. Бир қатор назорат ўйинларини ўтказдик. Таркибимиз 80 фоизга янгиланиб кетди. Шу боис ҳозирча футболчилар бир бирларини 100 фоизга тушунишга эришмаган, кичик муаммолар мавжуд. Икки ой ичида янги жамоа шакллантириб бўлмайди. Ўйинлар орқали футболчилар ўзаро тил топишиб кетаверишади. Мавсум давомида ўз ўйинимизни яхшилаб бораверамиз”, - дейди Виктор Кумиков.
- Жамоа янги деяпсиз. Раҳбарият “Олмалиқ” олдига қандай вазифалар қўйилмоқда?
- Раҳбарият бизни таклиф қилишдан олдин жамоани қуйи ўринларда юришини кўзламагани турган гап. Жамоа таркиби янгиланганига қарамай бизнинг олдимизга ОЧЛ йўлланмаларидан бирини қўлга киритиш вазифаси қўйилмоқда. Мавсум узоқ давом этади шу боис чемпионатни қайси поғонада тугатишимизни кузда билиб оламиз.
- Қайси чизиқни кучайтира олмадингиз?
- Таркибдаги футболчилар ўзларини кўрсатишда давом этишса ва ривожланишда давом этишса яхши. Агар бундай бўлмаса улар билан хайрлашиб янги футболчиларни олиб келишга мажбур бўламиз. Ҳозирча бир нафар осиёлик футболчини рўйхатдан ўтказа олмадик. Аммо бу масала яқин орада ҳал бўлади деб ўйлайман. 2 ёки 3-турда у майдонга тушиши мумкин.
- Жамоага келган легионерларнинг ҳар бирига таъриф бера оласизми?
- Беларуслик Владислав Касминин. Марказий ҳимояда ўйнайди. У бўйдор, ҳаводаги курашларни ютади, бундан ташқари майдонни яхши кўра олади. Игорь Йелич эса таянч ярим ҳимояда ўйнайди. Барчага маълумки марказий ҳимоя ва таянч ярим ҳимоячилар танқис. Грузиялик Шота Григалашвили ҳужумчи ортида, қанотда ва таянч ярим ҳимоячи ролини бажара олади. Бизга шундай универсал футболчи керак эди. Муаммоли жойларни легионерлар орқали тўлдиришга ҳаракат қилдик.
Нарзулла Сайдуллаев ёзиб олди
Похожие новости
![AMP Logo](https://championat.asia/image/logo-amp.png)
Комментарии