RU

Последние новости

14:49Сергей Чигодаев: "CAFA турнирида барча футболчиларга имконият беришга ҳаракат қиламиз"  1 14:29Расман: "Реал" Анчелотти кетаётганини эълон қилди  14 14:17Ўзбекистонлик ҳакам аёллар футболи бўйича ОЧЛ финалида ишлайди  0 13:59Саудия Арабистони клуби Осимхен билан музокаралар олиб бормоқда  0 13:32"Интер" МЮ ҳужумчисини харид қилмоқчи  2 13:03"Манчестер Юнайтед"нинг ёзги трансфер бюджети қисқартирилди  7 12:36Рафинья: "Умид қиламанки, мухлисларни хурсанд қилишда давом этаман"  11 12:08Артета "Арсенал"нинг амбициялари ҳақида гапирди  1 11:40Руд ван Нистелрой "Лестер"ни тарк этади  0 11:14CAFA U17 Championship 2025 мусобақасига қуръа ташланди. Ўзбекистон Эрон билан бир гуруҳда  7 10:56Эрик тен Хаг катта футболга қайтишга яқин  3 10:30Раулга Европанинг учта жамоасидан таклиф бор  4 10:02“Арсенал“ ҳужумчисига Саудия жамоаси таклиф билан чиқди  4 09:51Денис Коростиченко: "Ўзбекистон U-16 терма жамоасига ёрдамим керак бўлган барча жабҳада кўмаклашишга тайёрман. "Локомотив" - "Олимпик" ўйинида ...га мухлислик қилдим"  1 09:34Финалдаги мағлубиятдан сўнг МЮ тўрт нафар футболчи билан хайрлашишга тайёр  21

Виктор Жалилов: "Қувондиқ Рўзиев ўйин темпига улгура олмагани учун алмаштирилди" Новости

Виктор Жалилов: "Қувондиқ Рўзиев ўйин темпига улгура олмагани учун алмаштирилди"

Coca Cola Суперлига 18-туридан ўрин олган “Пахтакор” – “Навбаҳор” (0:0) учрашувидан кейин ўтказилган матбуот анжуманининг дастлабки қисмида “лочинлар” устози Виктор Жалилов ўйин ҳақидаги фикрлари билан ўртоқлашди.

 Эҳтимол, бугунги ўйин у қадар томошабоп кечмагандир, лекин кескин курашларга бой бўлди. Жамоалар қайси поғонадан жой олган бўлмасин, барча ўйинлар жуда оғир кечмоқда. Ўйлашимча, бугунги дуранг адолатли бўлди. “Пахтакор”да ҳам, бизда ҳам яхши вазиятлар бўлди, - дейди Виктор Жалилов.

- Қувондиқ Рўзиевнинг алмаштирилиши нима билан боғлиқ?

- У ўйин темпига улгура олмади, натижада у жойлашган қанотдан бир нечта ҳужумларни ўтказиб юбордик. Бундай ҳолат ҳамма футболчиларда учрайди. Шу боис, ўзгариш қилишга мажбур бўлдик. Сафимизда бу қанотда ўйнайдиган футболчилар етарли. Захира алмашиши ўз сўзини айтди, деб ўйлайман, ўйинимиз кучайди. Қанотлардан қарши ҳужумлар уюштирдик. Ушбу чизиқдаги ўйинни тенглаштиришга эришдик.

- Мутахассис сифатида мухлисларсиз футболга қандай қарайсиз?

- Албатта, ҳаммага қийин бўляпти, мухлисларга ҳам, футболчиларга ҳам. Мухлислар йўқлигида ўйинчилар психологик томондан жуда катта руҳий энергия сарфлашади. Бугун стадионда мухлислар бўлганида, голлар ҳам кўрармидик. Менимча, ўйинларда сермаҳсулликнинг пасайиши мухлисларнинг йўқлиги билан боғлиқ. Ишқибозлар ҳужумдаги ҳаракатларга ундашади, ўйиндаги шиддат ортади, албатта, мухлисларнинг йўқлиги футбол, умуман, спорт учун катта йўқотиш. Лекин шунга кўнишдан ўзга чора йўқ, бундан ҳеч қаёққа қочиб бўлмайди. Ҳар ҳолда, ҳиссиётлардан кўра, инсонлар саломатлиги устун.

- Бугунги ўйинда “Навбаҳор” дастлаб шиддат бобида “Пахтакор”дан устун кўринди. Лекин вақт ўтгани сари майдон эгаларидаги мудроқ ҳаракатлар сизларга ҳам юққандек кўринди...

- “Пахтакор” – жуда кучли жамоа. Улар таркибдаги футболчилари билан ўйин темпини назорат қила олишади. Ҳа, биз қайсидир дақиқаларда тезкор ҳужумлар орқали вазиятни ўзгартиришга ҳаракат қилдик. Шу боис, “Пахтакор” ҳам бизнинг ўйинимизга мослашишга интилди, таваккал олдинга интилмади, тартибли ҳимояланди. Умуман, бугун ҳар икки жамоа ҳужумга қараганда, мудофаадаги ишончли ҳаракатлар билан кўпроқ ажралиб турди. Очиқ ўйин кўрмадик, чунки “Пахтакор” билан бундай ўйнаб бўлмайди. Биз ҳам рақибни ўрганамиз, қайси ҳудудларни, қайси футболчиларни ёпиш кераклигини биламиз. Футболда рўй берадиган воқеаларни олдиндан айтиб бўлмайди. Қайсидир вазиятлар ажойиб чиқади, қайсидир ҳолатларда эса ҳаракатлар ўхшамайди. Умуман олганда, йигитлар стратегик томондан бугунги ўйин учун ўйлаган режамизни амалга ошира олишди.

Рейтинг: +7   

Комментарии

championat.asia
< посмотреть последние новости
Яндекс.Метрика