Виктор Жалилов “Навбаҳор”га қайтди

Наманганнинг "Навбаҳор" клуби бугун таркибини тажрибали мураббий билан бойитиб олди.

Юртимиздаги таниқли мутахассисларидан бири, мураббийлик фаолиятида “Навбаҳор”, “Машъал” ва “Пахтакор” клубларида фаолият юритган, “Навбаҳор”да 1995-2000, 2000-2004 ҳамда 2010 йилларда фаолият юритиб, жамоа билан Ўзбекистон чемпионлигини (1996 йили), бронза медалларини (1995, 1997-1999 йилларда), Ўзбекистон кубоги (1995, 1998 йилларда) ва Суперкубогини (1999 йили) қўлга киритган Виктор Романович Жалилов 10 йиллик танаффусдан сўнг, яна севимли жамоаси “Навбаҳор”га қайтди.

"Виктор Жалилов билан икки йиллик шартнома имзоланди ҳамда у олдин таъкидлаганимиздек, жамоамизда бош мураббий Нўъмон Ҳасановга маслаҳатчи мураббий сифатида ёрдам беради.

Биз янги мураббийлар штабининг қадами қутлуғ келиб, “лочинлар”нинг янги мавсумда совриндорлар сафидан жой олишини тилаб қоламиз", - дейилади клуб матбуот хизмати берган хабарда.