Видаль “Барселона”дан кетишни хоҳлаяпти, бироқ клуб бунга қарши

Чилилик ярим ҳимоячи Артуро Видаль қишки трансферлар вақтида бошқа клубга ўтишни хоҳламоқда. “Интер” Видалнинг трансфери юзасидан икки кун давомида “Барселона” билан боғланган. Бироқ Каталония клуби футболчини январда қўйиб юбориш ниятида эмаслигини маълум қилди. Артуронинг ўзи эса кам ўйин амалиёти сабаб бошқа клубга тезроқ ўтишни истамоқда.

Эслатиб ўтамиз, Видаль 2011-2015 йиллар оралиғида “Интер”нинг ҳозирги устози Антонио Конте қўл остида “Ювентус” сафида ҳаракат қилган.

Видаль жорий мавсум “Барселона” сафида Ла Лиганинг 12 та ўйинида қатнашиб, 4 та гол урди.