"Вест Хем" раҳбарияти тез орада Пеллегринининг келажаги бўйича муҳокамага киришади

Яқин келажакда директорлар кенгашининг йиғилиши бўлиб ўтади, унда чилиликнинг мураббий сифатидаги келажаги муҳокама қилинади. Раҳбарият мутахассис бошчилигидаги клуб ўйинларидан норози, аммо уни ишдан бўшатиш масаласи ҳали кўтарилмаган. Таъкидланишича, агар натижалар яхшиланмаса, Пеллегринининг истеъфоси варианти кўриб чиқилиши мумкин.

Аҳамиятлиси, Лондон жамоаси Англия чемпионатида 7 ўйиндан бери ғалаба қозона олмаяпти. Охирги марта Пеллегрини шогирдлари Англия Премьер-лигасининг 6-тур учрашувида "Манчестер Юнайтед" устидан ғалаба қозонишганди - 2:0.

Эслатиб ўтамиз, 66 ёшли мураббий  «Вест Хем»ни 2018 йил май ойидан бери бошқариб келмоқда. Мутахассиснинг пойтахт жамоаси билан амалдаги  шартномаси 2021 йил июнига қадар амал қилади.

Айни пайтда лондонликлар Англия чемпионати жадвалида 13 очко билан 16-ўринда боришмоқда. Уларнинг кейинги ўйини 30 ноябрь куни "Челси"га қарши бўлиб ўтади.