Вальверде: "Месси билан таваккал қилишни истамадик"

"Баҳс жуда яхши ўтди. Мақсадимиз гуруҳдан чиқиш эди, аммо бу ўйинда ғалаба қозониб, кейинги босқичга биринчи ўрин билан чиқшни хоҳлагандик. Яхши ўйин кўрсатдик, бироз аниқлик етишмади.

"Интер" олдин ҳам учрашув охирида ўзини кўрсатган, улар бу йўл билан кўп очко тўплашга муваффақ бўлган. Бироқ мамнунмиз, чунки босқич якунланишига 2 тур қолганда плей-оффга чиқдик.

Лео билан таваккал қилишни истамадик. Машғулотларда бир-биримизни аяшимиз мумкин, аммо ўйин бошқа. Учрашувларда кутилмаган йиқилишлар кўп бўлади. Бу ҳақида Месси билан суҳбатлашдим. Бу машғулот эмас.

Малкомдан кўнглимиз тўлди. Унда ажойиб зарба бор. Малкомсиз муваффақиятга эриша олмаган бўлардик.

"Интер"нинг вазифаси аниқ эди: Ҳужум ва прессинг. Биринчи учрашувда улар ўз дарвозаси олдида кўплаб хатоларга йўл қўйишди, бугун ҳам шундай бўлди. Улар ҳеч қачон таслим бўлишмайди. Бу жамоа "Тоттенхэм"га қарши баҳснинг сўнгги 5 дақиқасида рақибдан 3 очкони тортиб олди, биздан эса 1" - дейди Вальверде.