Вали Келдиев: "Зомин"ни учинчи давра бошидан қабул қилиб олдим"
14 сен 2018 09:01
Новости

Вали Келдиев: "Зомин"ни учинчи давра бошидан қабул қилиб олдим"

Про-лига 25-туридан ўрин олган “Ёзёвон-Лочинлари”-“Зомин” (0:3) учрашувидан сўнг меҳмонлар бош мураббийи Вали Келдиев “championat.asia” сайтига интервью берди.

“Ёзёвон” жамоаси уй учрашувларида жуда яхши ўйин кўрсатади. Шу сабабдан биз бу учрашувга жиддий тайёргарлик кўрган эдик. Биринчи бўлим жуда оғир тарзда ўтди. Мезбонларда ҳам бир неча бор гол уриш учун қулай вазиятлар бўлди, лекин фойдалана олишмади. Иккинчи бўлим якунида биз юзага келган вазиятлардан фойдаланиб, ғалаба қозондик. Умуман олганда гарчи йирик ҳисобда ғалаба қозонган бўлсакда, жамоалар тенг ўйин кўрсатишди.

Жамоани учинчи давра бошидан бошлаб қабул қилиб олдим. Бизни жамоамизни кучи бирликда, биз аҳил жамоамиз. Ютуқларимизга қаердадир омад, қаердадир эса меҳнатларимиз сабаб бўлмоқда. Жамоамиз футболчилари ўтказилаётган учрашувларда кўпроқ тўпга эгалик қилишмоқда, бу эса омад биз томонда бўлишига олиб келмоқда деб ўйлайман.

Бекзод Толибов ёзиб олди.