Валерий Седунов вафот этди
19 мая 2025 14:18
Новости

Валерий Седунов вафот этди

Таниқли футбол мураббийи, “Соғлом авлод учун” ордени соҳиби Седунов Валерий Владимирович оламдан ўтди.

В. Седунов 1953 йилда Марғилон шаҳрида туғилган. Футболчилик фаолиятини ўша даврдаги “Меҳнат” футбол жамоасида дарвозабонликдан бошлаган. Минглаб ёшларга устозлик қилган. Нафақага чиққанига қарамай ҳамон ёшлар билан ишлаб келаётган эди.

Андрей Фёдоров, Равшан Тиллабоев, Шуҳрат Назиров, Салим Зокиров, Муродбек Исмоилов, Темур Ҳакимов, Азиз Мамажонов, Бахтиёр Ёқубов, Азиз Ибрагимов, Ислом Исмоилов, Музаффар Музаффаров, Абдуллоҳ Олимов каби юздан ортиқ шогирдлари футбол бўйича Ўзбекистон миллий чемпионатларида ва собиқ Иттифоқ биринчиликларида тўп тепишган.

Championat.asia сайти ва футбол жамоатчилиги меҳрибон устоз, малакали мураббий Валерий Седуновнинг вафоти муносабати билан унинг яқинлари ва шогирдларига чуқур таъзия изҳор этади.