RU

Последние новости

18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

Валерий Кичин: "Александр Крестининнинг қўнғироғидан сўнг "Локомотив"га ўтишим ҳал бўлди" Новости

Валерий Кичин: "Александр Крестининнинг қўнғироғидан сўнг "Локомотив"га ўтишим ҳал бўлди"

"Локомотив" жамоасининг янги аъзоси Валерий Кичин журналист Тенгелбес Мусаевга интервью берди.

- Янги жамоага ўтдингиз. Дастлабки таассуротлар билан бўлишсангиз?

- Барчаси яхши. Клуб ҳам анча машҳур. Барчаси жойида.

- "Локомотив" билан йиғинларда ҳам иштирок этдингиз. Адаптация жараёнидан ўтиб бўлдингиз деб ҳисобласак бўладими?

- Мен Қирғизистонликман ва шу сабаб мен учун бу жараён осонроқ кечди. Йигитлар мени яхши қабул қилишди.

- Жамоа билан музокаралар қандай кечди?

- Музокаралар узоқ вақт давом этди дея оламан. Александр Крестининнинг қўнғироғидан сўнг кўп ўйлаб ўтирмадим ва рози бўлдим.

- Собиқ жамоангиз "Енисей" сизга янги шартнома таклиф қилганини эълон қилганди. "Енисей" сафида 200дан кўпроқ учрашувларда иштирок этдингиз ва узоқ вақт давомида ушбу жамоада тўп тепдингиз. "Енисей" жамоасидан кетишингизга нима сабаб бўлди?

- Биринчи навбатда шартнома бўйича келиша олмадик. Менга бўлган муносабат ҳам менга ёқмади. Мен ушбу жамоада деярли 8 йил давомида тўп тепгандим. Раҳбариятнинг янги шартномаси ҳам менга тўғри келмади. "Локомотив" эса менга қизиқиш билдирди. Сени ҳурмат қилишмайдиган жойда қолишдан манфаат йўқ.

- "Локомотив"дан бошқа таклифлар ҳам бўлдими?

- Осиёдан таклифлар кўп эди. Ҳиндистон, Бангладеш, Қирғизистондан таклифлар бор эди.

- Сиз жуда оилапарвар инсонсиз. Оилангиз билан тўлиқ Тошкентга кўчиб ўтдингизми?

- Ҳозирча йўқ. Фарзандларим боғчага боришади ва ҳозир уларни бошқа шаҳарга олиб кетишим тўғри қарор бўлмаслиги мумкин. Тошкентга кўникиб олишим керак. Кейинги мавсумдан эса оилам билан кўчиб келамиз.

- Қирғизистон терма жамоаси ўз тарихида биринчи маротаба Жаҳон чемпионатининг учинчи саралаш босқичида иштирок этади. Гуруҳимиздаги рақиблар ҳақида гапириб ўтсангиз?

- Нима ҳам дейиш мумкин. Фақатгина майдонга чиқиб курашиш керак холос. Осон гуруҳларнинг ўзи йўқ.

- Қирғизистон терма жамоасининг янги бош мураббийи билан гаплашиб олдингизми?

- Ҳа. Биз телефон орқали суҳбатлашдик. Таркиб, услуб ва қуръа натижалари ҳақида бироз гаплашдик.


Тенгелбес Мусаев суҳбатлашди



Рейтинг:    

Комментарии

championat.asia
< посмотреть последние новости
Яндекс.Метрика