Вадим Абрамов: "Қанот ҳаками хато қилди деб ўйлайман"

- Тошкент жамоалари қандай ўринда, қай ҳолатда бўлишидан қатъи назар, дербида ҳар доим шундай кураш бўлади. Йигитлар ўзларини йўқотиб қўйишмаганига раҳмат айтаман. Тўғри, ўзимизнинг энг яхши ўйинларимиздан бирини намойиш қила олмадик. Бугун икки жамоа ҳам ютиши мумкин эди. "Локомотив" иккинчи бўлимда гол уришга интилди, биз эса ҳимояда ўйнаб, қарши ҳужумда уларни ушламоқчи эдик. Афсуски яратилган вазиятлардан фойдаланишда йигитларга совуққонлик етишмади. Балки йигитларда бироз тажриба бўлганида вазиятни ўз фойдаларига ҳал қила олардилар. Бошқа ҳеч нима дея олмайман. Мен ҳам сизлар кўрган ўйинни кўрдим.

- "Бунёдкор" сўнгги уй ўйиннинг иккинчи бўлимида асосан ҳимояда ўйнамоқда, рақиблар эса босим қилмоқда. Бу нима билан боғлиқ?
- Ҳа, шундай бўлмоқда. Дунёдаги деярли барча жамоалар рақибга қараб ўйнашади. Олдинда кичик танаффус бор ва биз унда бошқа тактик схемаларни, ўйинда тушмаётган йигитларни ҳам синовдан ўтказиб кўрамиз. Биринчи бўлимда биз ўзимизни йўқотиб қўймадик. Иккинчи бўлимда рақибларнинг босимига дош бера олдик.

- Нуриев бир неча вазиятлардан фойдалана олмади. Шунингдек, тўпни тўхтата олмаяпти, зарба беришда қийналмоқда. У ўзи ҳужумчими?
- У ҳужумчи. У эндигина иккинчи марта ўйнамоқда. Одам сифатида тушуниш керакки, футболчи ҳали бундай даражадаги ўйинларда ўйнамаган. Унинг яхши сифатлари етарлича, шу боисдан айта оламан, унинг ҳам даври келади. Бизда ҳужумчилар борасида мауммолар бор. Захирадан тушиб ўйинга киришиб кетиш жуда қийин. Аммо у яхши ҳаракат қилди.

- Гол ҳақида нималар дея оласиз?
- Менимча қанот ҳаками хато қилди. Бироқ улар ҳам одам. Умуман олганда бугун ҳакамлар яхши ишлашди. Бизда ВАР тизими йўқ. ВАР бўлганида ҳакамлар ўйинни тўхтатиб, вазиятни кўриб олишарди. Биз ҳали Европа даражасига етмадик. Телевизорда кўриш ва уни муҳокама қилиш эса осонроқ. Агарда биз улар даражасига етмоқчи бўлсак, улар каби бўлишга ҳаракат қилишимиз керак.