Вадим Абрамов: "Нефтчи" яхши селекция олиб борди. Қизиқарли ўйин бўлади"
08 мар 22:48
Новости

Вадим Абрамов: "Нефтчи" яхши селекция олиб борди. Қизиқарли ўйин бўлади"

"Динамо" жамоаси Суперлига 2-турида Жиззахда "Нефтчи"га қарши саф тортади. Ўйин олдидан самарқандликлар бош мураббийи Вадим Абрамовнинг таркиб, рақиб ва тайёргарлик ҳақида фикр билдирди.

"Ўйинга тайёргарликни Самарқандда давом эттираяпмиз. Об-ҳаво сабабли майдон бўйича муаммолар бўлиши табиий, бор имкониятдан фойдаланиб тайёргарликни давом эттираяпмиз. Илк ўйинни ўз майдонимизда ўтказишни истардик, ҳозирда майдонимиз янгиланди ва умид қиламанки, бир ойдан кейин Самарқандда ўйнаймиз.
Таркибда фақатгина бразилиялик ўйинчимизнинг (Ратиньо) жароҳати бор, якка тартибда шуғулланмоқда. Қолганлар ўйинга тайёр. Ўтган ўйинда бўлмаган Улуғбек Абдуллаев ва Эммануэл Ягр ҳам жамоавий машғулотларда иштирок этмоқда.
"Нефтчи"ни Туркияда кузатгандик, яхши селекцияни олиб борди. Юқори мақсадларни қўйган ҳурматга лойиқ рақибга қарши қизиқарли ўйин бўлади", - дейди Вадим Карленович.

"Динамо" клуби матбуот хизмати

Ссылка :

Источник : "Динамо" клуби матбуот хизмати

Получайте новости прямо в Telegram!

Рейтинг: +5