Вадим Абрамов: "Насаф" яхши жамоа, аммо биз бу ўйинни очко йўқотдик деб ҳисоблаймиз"
25 мая 23:03
Новости

Вадим Абрамов: "Насаф" яхши жамоа, аммо биз бу ўйинни очко йўқотдик деб ҳисоблаймиз"

Суперлиганинг 9-туридан ўрин олган "Насаф" - "Динамо" (1:1) учрашувидан сўнг меҳмонлар бош мураббийи Вадим Абрамов матбуот анжуманида иштирок этди.

Ўйин ҳақида

- Мураббийлар учун оғир ўтган ўйин бўлди. Мезбонлар қизил карточкадан сўнг бир киши кам бўлиб қолишди. Бироқ, биз бундан унумли фойдалана олмадик. Яхши футбол кўрсатдик, аммо ўз дарвозамиздан тўп ўтказиб юбордик. Жавоб голини киритдик, якун дуранг билан тугади. Ғалаба қозона олмадик.

- Дилшод Раҳматуллаев майдонга туширилгач, негадир яна алмаштирилди. Бунга сабаб нима?

- Мен Раҳматуллаевнинг имкониятларини яхши биламан. У бизга зарур бўлгани учун майдонга туширдик. Бироқ, футболда ҳамма нарса ҳар доим сиз истагандек бўлавермайди. Унда озроқ ўйинга қўшилиб кета олмаслик ҳолати кузатилди. Шу боис алмаштирдик.

- Сизнингча, "Динамо" бугун 2 очко йўқотдими ёки 1 очко ишлаб олдими?

- Рақиб сафида футболчи четлатилган экан, очко йўқотдик деб ҳисоблаймиз. "Насаф" яхши жамоа, бироқ биз жуда кўп вақт мобайнида майдонда бир киши кўпроқ ҳаракат қилдик. Ҳоккейда қандайдир икки дақиқа жуда кўп нарсани ҳал қилиши мумкин. Биз бугун ғалаба қозониш имконияти пайдо бўлган ўйинда имкониятдан фойдалана олмадик.