“УзДонгЖу-2001” чемпион!

Аввал хабар берганимиздек, бош соврин учун “УзДонгЖу” билан “Бухоро” куч синашди. Турнирга 11 нафар футболчи билан ташриф буюрган андижонликлар шунга қарамай бош совринга эга чиқди. Лочин Гулдаев бошқарувидаги “УзДонгЖу-2001” жамоаси финалда мезбонларга қарши астойдил ўйнади ва ўз уйига Кубок билан қайтиш учун жиддий курашди. 

Учрашувда биринчи бўлиб андижонликлар ҳисобни очишди. Самандар Абдураҳимов ўз номини ёздириб қўйишга эришди. Кейинчалик бухороликлар пенальтидан жавоб тўпини киритди. Асосий бўлимларда ўзаро тенглик қайд этилгач навбат пенальтилар сериясига етиб келди. Лотореяда омад “УзДонгЖу”га кулиб боқди ва унда 6:7 ҳисоби қайд этилиб, андижонликлар ғолиб бўлди. 

Шу тариқа Гулдаев жамоаси эртага Андижонга бош соврин билан қайтади. Шўрбулоқ даҳасидаги футболга ихтисослаштирилган мактаб интернати ўқувчилари бўлган “УзДонгЖу” футболчиларини танътанали равишда кутиб олиш маросими бўлиб ўтади. 

“УзДонгЖу” жамоасининг мазкур турнирда иштирок этган таркиби:  29.Асад Ахияров, 2.Одилбек Абдумажидов, 4.Аҳрор Маъмуров, 5.Сарвар Топволдиев, 8.Тоҳир Каримов, 9.Фарруҳ Қобулов, 11.Озодбек Ўктамов, 17.Муҳаммадазиз Иброҳимов, 22.Азиз Зокиров, 27.Самандар Абдураҳимов, 30.Асадбек Султонмуродов.

Исломбек Рустамбеков.