Усмон Тошев 52 ёшда!

Икки кун олдин жамоа сардори Иброхим Отахонов ўз туғилган кунини нишонлаганди. Бу сафар эса навбат бош мураббийга келди ва жамоада айни пайтда мана шундай хурсандчилик кайфияти ҳукм сурмоқда.

Шу муносабат билан ФИФА ва ОФК инструктори, қолаверса, андижонликлар устози сифатида фаолият кўрсатиб келаётган Усмон Тошевни бугунги таваллуд айёми билан қизғин муборакбод этамиз.

Усмон Қудратовичга соғлик-саломатлик, узоқ умр, оилавий бахт-саодат тилаймиз. Мураббий Андижонга жамоани олий лигага олиб чиқиш учун келган ва шу йўлда унга омад ва муваффақият тилаб қоламиз.

“Андижон” футболчилари эса эртага “Ёзёвон-Лочинлари” билан бўладиган учрашувда ғалаба қозониб мураббининг туғилган кунига ўзига хос байрам улашишни мақсад қилишган.

"Андижон" матбуот хизмати