Урганчлик мактаб-интернат тарбияланувчилари турнир ғолиби

Куни кеча Ўзбекистон Конституцияси қабул қилинганлигининг 22 йиллигига бағишлаб 2001 йилда туғилган ўсмирлар ўртасида ниҳоясига етган навбатдаги мусобақа сўзимиз исботи саналади.
  
Айтиш жоизки, мазкур биринчиликнинг дастлабки босқичида 13 та жамоа уч гуруҳда ўзаро баҳс юритишди. Ўз навбатида гуруҳ ғолиблари ва энг яхши кўрсаткичга эга бўлган битта иккинчи ўрин соҳиби ярим финал жуфтликларини ҳосил қилишди. Якуний натижаларга кўра, Аброр Қиличев ва Алишер Вапаев устозлик қилаётган Урганч шаҳридаги 5-сон футбол бўйича давлат ихтисослаштирилган мактаб-интернатининг биринчи жамоаси турнир ғолиблигини қўлга киритди. Мазкур маҳорат маскани тарбияланувчилари ҳал қилувчи ўйинда Хоразм вилояти халқ таълими бошқармаси тасарруфидаги 2-сон болалар ва ўсмирлар спорт мактаби  жамоасини йирик ҳисобда мағлубиятга учратишди, 3:0.
  
Фахрли учинчи ўриндан Урганч олимпия захиралари коллежи ва 5-сон футбол бўйича давлат ихтисослаштирилган мактаб-интернатининг иккинчи жамоаси жой олишди.
  
- Жамоаларимизнинг муваффақиятидан жуда хурсандмиз, - дейди Урганч шаҳридаги 5-сон футбол бўйича давлат ихтисослаштирилган мактаб-интернати директорининг спорт ишлари бўйича ўринбосари Азамат Жабборов. – Бу янги йил байрами арафасида жамоаларимизнинг ўқувчи ва педагогларимизга ўзига хос совға бўлди. Аминманки, кириб келаётган 2015 йилда ҳам тарбияланувчиларимиз ўзларига билдирилган ишончни оқлаб,  кўплаб юқори натижаларни қўлга киритишади.


Икром ХУДОЙБЕРГАНОВ.