Улуғбек Бақоев: "Бизнинг ўз фалсафа ва ўйинимиз бор. Ўйлайманки, тўғри йўлдамиз"

"Эртага қийин ўйин бўлиши табиий. Рақиб яхши шаклланган. Тўпни ва ўйинни назорат қилади, жисмоний томондан ҳам футболчилари ёмон кўринмади. Ғалаба учун ҳаракат қиламиз. Ҳар 3 кунда ўйин ўтказяпмиз. Шунинг учун футболчиларда бу борада кичик камчиликлар юзага келиши мумкин. Футболчиларда хоҳиш ва иштиёқ кучли. Худо хоҳласа кейинги босқичга чиқамиз.  ",- дейди Улуғбек Бақоев.

"Олтин Аср"нинг 2та ўйинини кўриб чиқдик. Ўйинга юз фоиз тайёрмиз. Эртага фақат ғалаба учун майдонга чиқамиз",- дейди Жавоҳир Қаҳрамонов.

- Жамоа бу мусобақада илк бор иштирок этмоқда.  Мухлисларнинг "Сўғдиёна"нинг ўйини ҳақидаги фикрлари бевосита юқоридаги омилга боғлиқми?

- Ҳар бир мухлиснинг ўз қараши бор. Мухлисларга ҳужумкор футбол ёқади. Кимгадир ёқамиз ёки ёқмаймиз. Бизнинг ўз фалсафамиз, ўйинимиз бор. Ўйлайманки, тўғри йўлдамиз. Бу йил ҳисобидан учинчи турнирда қатнашяпмиз. Ҳар бир ўйинга руҳий, жисмоний томондан тайёр бўлиб бориш керак. Шундагина ғалаба қозониш мумкин. 

- Имкониятларни қандай баҳолайсиз? Жамоани дуранг ҳам қониқтиради...

- Биз ўз ўйинимизни кўрсатишга ҳаракат қиламиз. Фақат ғалаба учун ўйнаймиз. Эртага икки жамоада ҳам имконият бўлади. 

-  ЦСКА билан ўйинда футболчилар гол ўтказиб юборишдан қўрқиб кўпроқ ҳимояда ўйнашди. Эртага ҳам бу нарса такрорланмайдими?

- Ўйинга тайёрланиш учун олдинда вақтимиз бор. Назарий машғулотларда барчаси айтилади. Йигитлар майдонда нима учун ўйнаётганини билишлари керак. Умид қиламанки, улар борларини беришади.

- Жавоҳир Қаҳрамоновга савол. ЦСКА Ўзбекистон чемпионатида нечинчи ўринни эгаллаган бўларди?

- Яхши жамоа эканлиги кўриниб турибди. Тўпни яхши назорат қилар экан. Фикримча, ЦСКА Ўзбекистон чемпионатида ўрта ўринларни эгаллаган бўларди.

- Жамоа иккита учрашувни суъний майдонда ўтказди. Футболчиларингиз бунга мослашиб олдими?

- Ҳар бир нарсани ўзига яраша қийинчилиги бор. Об-ҳаво, тўпни яхши ҳаракатланмаслиги қўшимча куч талаб қилади.