Уларни ҳали сафдан чиқарманг

Бунда Саудия Арабистонининг "Ал Ҳилол" клуби сафарда "Ал Айн"ни 1:0 ҳисобида мағлуб этиб қайтди. Учрашувдаги ягона гол саудиялик машҳур футболчи Муҳаммад Ал Шлҳуб томонидан киритилди. 38 ёшли футболчи ўтган йил айтарли кўриниш бермаганди. Балки у фаолиятини тугатган бўлиши мумкин деганлар ҳам йўқ эмасди. Аммо бу футболчи ҳалиям яхши савияда ўйин намойиш этаётганини исботлади. 

Шарқ минтақасида кураш олиб бораётган Жанубий Кореянинг "Чонбук Моторс" жамоаси эса ўз майдонида Хитойнинг "Бейжинг ФК" клубини 3:1 ҳисобида таслим этди. Бу ўйинда кўпчиликка яхши таниш бўлган Ли Донг Гук ўз ҳисобига битта гол ёзиб қўйди. Қойил қолиш керак, 40 ёшли ҳужумчи ҳамон ўз ўрнини йўқотиб қўяётгани йўқ. Ли Донг Гукнинг ОЧЛдаги голлари сони жами 37тага етди ва шу билан Осиё чемпионлар лигаси йўлга қўйилганидан бери энг яхши тўпурарга айланиб олди.