"Улар мени 90 дақиқа мобайнида ҳақорат қилиб турди" - 2 йил олдин Моуриньо ва МЮ Туринда камбэк қилганди ГАЛЕРЕЯ

Ўшанда 65-дақиқада Криштиану Роналду собиқ жамоасига гол уриб, ҳисобни очганди.

Албатта, Криштиану ҳиссиётга берилиб голни нишонлаб юборгани учун МЮ мухлисларидан узр сўраганди. Меҳмон жамоа сектори уни кечирди.

Умуман олганда, МЮ тартибли ўйин кўрсатди. Ўша мавсумда Де Хеа кўплаб хатолар қилган бўлса-да, Туринда ўзини йўқотиб қўймаганди.

Асосий кульминацион палла 86-дақиқага тўғри келди. Унда Хуан Мата жаримадан дарвозани ишғол қилиб, тарози паллаларини тенг ҳолатга келтирди.

Бироқ "Юве" шу голдан кейин ҳам олдинга ўтмади ва МЮнинг кичик босими давом этаверди. Дастлабки даврада "Юве" "Олд Траффорд"да кичик ҳисобда ғалабага эришганидан кейин рақибига паст баҳо берган шекилли 89-дақиқада улар иккинчи голни ҳам ўтказиб юборди.

Жаримадан узатилган тўп "талпа"нинг ичида дарвозага кириб кетди. Якунда гол Алекс Сандрога ёзилди.

Финал ҳуштаги чалинганидан сўнг эса буни кўрдик.

Табиийки, ўйиндан кейинги матбуот анжуманида Жозега савол берилди:

- Мистер Жозе, нима учун бундай қилдингиз?
- Трибунадаги мухлислар 90 дақиқа мобайнида мени ҳақорат қилишди.

"Жозе! Сенинг давринг ўтди. Жозе! Сен кетишинг керак. Жозе! Футболдан кет. Жозе! Футболни ўлдиряпсан".

Финал ҳуштагидан кейин эса барча жим. Уларнинг овозини эшитгим келди.