Уганда бош мураббийи: "Катанец билан дўстмиз. Лекин майдонда рақибга айланамиз"

Унда иштирок этадиган терма жамоалар навбати билан етиб келишди. Куни кеча юртимизга келган Уганда терма жамоаси илк учрашувни Тожикистон терма жамоасига қарши ўтказади. Мазкур баҳс олдидан угандаликлар бош мураббийи Милутин Средоевич фикрларини билдириб ўтди. 

"Биринчи навбатда таклиф учун Ўзбекистон футбол ассоциациясига миннатдорчилик билдираман. Ўйлайманки, мусобақа биз учун бўлажак расмий учрашувлар олдидан яхши тайёргарлик вазифасини ўтаб беради. 

Ўзбекистон терма жамоаси ҳақида анча маълумотга эгаман. Айниқса Сречко Катанец ҳақида. Чунки у ватандошим ва болаликдаги дўстим ҳисобланади. Майдонда биз рақибга айланамиз. Ишончим комилки, Ўзбекистонни сифатли мураббий бошқармоқда. Унинг етиштирган футболчилари бунга мисол. Аммо бу маълумотлар эмас, майдондаги ўйин ҳамма нарсани ҳал қилади. 

Мамлакатингиз ва шаҳрингиз ҳақида дўстларимдан илиқ фикрлар эшитганман",- дейди Средоевич.