УЕФА олдида қатор муаммолар пайдо бўлмоқда
20 мар 2020 23:55
Новости

УЕФА олдида қатор муаммолар пайдо бўлмоқда

"Спорт-Экспресс" хабарига кўра, УЕФА ишчи гуруҳи Европанинг барча федерациялари, лига ва клубларига мавсумни якунлаш тақвимининг 3 хил вариантини таклиф қилди.

Таъкидланишича, дастлаб барча мусобақаларни 30 июнга қадар якунлаш варианти муҳокама қилинган. Бироқ, кейинроқ пандемия хавфи сабабли бу жадвалнинг амалга ошиш эҳтимоли шубҳа остига қолган. Энди мавсумни 31 июль ёки 31 августга қадар якунлаш масаласи ҳам муҳокамага қўйилди. Қайд этиш лозимки, тақвимдаги ҳар қандай ўзгариш келаси мавсумнинг бошланиш вақтини кечиқтиради. Шунингдек, ташкилот ёз бошланиши билан муддати ниҳоясига етадиган шартномалар муаммосини ҳал қилиши ва телекомпаниялар билан келишиши зарур.