УЕФА Евро-2020да рекорд даражада мукофот пуллари бўлишини маълум қилди
22 дек 2018 12:10
Новости

УЕФА Евро-2020да рекорд даражада мукофот пуллари бўлишини маълум қилди

Теги : Евро-2020

УЕФА расмий сайти берган маълумотга кўра, 2020 йилда ўтказиладиган Европа чемпионатидаги умумий мукофот пули 371 млн. еврони ташкил қилади.

Евродаги мукофот пуллари 23%га ошган. Францияда ўтган аввалги Европа чемпионатида бу маблағ 301 млн. еврони ташкил қилган эди.

Евро-2020нинг финал босқичига чиққан барча 24та жамоага 9,25 млн. евродан тўлаб берилади. Гуруҳ босқичида жамоалар ҳар бир ғалаба учун 1,5 млн. евро, дурангдан 750 минг евро ишлаб топишади. 1/8 финал иштирокчилари 2 млн. евро даромад кўришади, кейинги босқичдагилар (1/4 финал) ҳисобига яна 3,25 млн. евродан ўтказиб берилади. Евро-2020 ярим финалчилари 5 млн. евродан ишлаб топишади. Турнир финалчисига яна 7 млн. евро, ғолибига эса 10 млн. евро тўлаб берилади. Шундай қилиб, мусобақанинг барча учрашувларида ғолиб бўлган терма жамоа 34 млн. евро даромад кўриши мумкин бўлади. Аввалги Евродаги бу кўрсаткич 27 млн. еврони ташкил қилган.

Эслатиб ўтамиз, 2020 йилдаги Европа чемпионати илк маротаба 12та шаҳарда бўлиб ўтади.

Ссылка :

Источник : UEFA

Получайте новости прямо в Telegram!

Рейтинг: +3