Тухель Кейннинг "Тоттенхэм"да қолишидан мамнун
18 сен 2021 18:14
Новости

Тухель Кейннинг "Тоттенхэм"да қолишидан мамнун

"Челси" бош мураббийи Томас Тухель "Тоттенхэм" форварди Харри Кейннинг ёзги трансфер ойнасида клубдан кетмаганидан мамнун бўлганини айтди.

"Мен у "Манчестер Сити"га ўтади деб ўйлагандим. Мен бундан хавотирга тушмадим, аммо шундай бўлганида ҳам, "Сити"нинг ўйини қандай ўзгаришига қизиққан бўлардим. Биз ҳеч кимдан қўрқмаймиз. Биз ҳар қандай рақибни қабул қиламиз, "Ман Сити" ва "Ливерпуль"ни ҳам. Бу кучли жамоалар, улар билан беллашишни хоҳлайсиз. Уларнинг энг яхши ўйинчилар учун курашаётгани нормал ҳолат.

Бошқа томондан Кейннинг қолишидан мамнунман, шундай ўйинчилар борки, улар фақат бир клуб учун ўйнашади. Харри ўз жамоаси билан, ҳудди Месси билан "Барселона" бўлганидек. Ҳозир эса унинг бошқа жойда ўйнаётганини тушуниш қийин. Агар Кейн ҳам шундай қилса, у билан ҳам шундай бўлади", - дейди Тухель.

Эслатиб ўтамиз, 28 ёшли Кейн ёзги трансфер ойнасида "Манчестер Сити"га ўтишга яқин эди.

Ссылка :

Источник : Goal

Получайте новости прямо в Telegram!

Рейтинг: +2