RU

Последние новости

01:25Микель Артета: "Чемпион бўлишни истасак, шу руҳни сақлаб қолишимиз керак"  2 01:15Cамвел Бабаян — "Андижон" бош мураббийи  4 00:33Спаллетти "Ювентус" учун рекорд ўрнатди  0 00:08"Жирона" — "Реал". Таркиблар маълум  2 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:53"Рома" — "Наполи". Таркиблар маълум  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  37 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17

Туркиядан варианти нима учун ўхшамади? Қайси даврадаги "Навбаҳор" кучли? Эҳсони Паншанбе билан интервью Новости

Туркиядан варианти нима учун ўхшамади? Қайси даврадаги "Навбаҳор" кучли? Эҳсони Паншанбе билан интервью

Жорий йилда чемпионатимизда бир қатор легионерлар ўзларидан ижобий таассурот қолдиришга эришишди.

Уларнинг сафига "Навбаҳор"нинг тожикистонлик футболчиси Эҳсони Паншанбени ҳам кирита оламиз. Жамоага келган илк кунидан бошлаб мухлислар томонидан илиқ қарши олинган ярим ҳимоячига шу кунга қадар кўпгина чемпионатлардан таклифлар бўлди. Лекин нима учун "Навбаҳор"да қолишни афзал кўрди? Ушбу саволга қуйидаги интервью орқали жавоб олишингиз мумкин. 

- "Навбаҳор"да 2020 йилнинг иккинчи даврасидан бошлаб тўп тепиб келмоқдасиз. Деярли иккита мавсумни гувоҳи бўлдингиз. Жамоанинг мана шу икки мавсумдаги иштирокида қандай фарқ сездингиз? Таққослаган ҳолда баҳо бера оласизми?

- Ҳа, 2020 йилнинг иккинчи қисмида жамоага келгандим. Ўтган ва ундан олдинги мавсумда пастки ўринларни эгалладик. Шу боис катта фарқ кўрганим йўқ. Мухлислар биздан кўпроғини кутишади. 

- Клубга мослашиш ва ўйинга қўшилиб кетиш қийин кечмадими? Доим айтиб келамиз "Навбаҳор"да ўйнаб кетиш, босимни енгиб ўтиш осон эмас...

- Албатта, жамоага ва янги коллективга ўрганиш бироз вақт талаб қилди. Менимча ҳар бир футболчи бошқа бир жойга келганда маълум бир қийинчиликларга дуч келади. Бегона муҳит, мураббийнинг фалсафаси ва йигитлар билан чиқишиб кетиш. Тожикистон ва Ўзбекистон бир-бирига яқин халқ бўлгани учун ўрганиш қийинчилик туғдирмади. Жамоадошларим мени қўллаб-қувватлади. Мухлислар барча нарсани ишга солишди. 

- Бу мавсумнинг иккинчи даврасини ҳисобга олганда "Навбаҳор" қайси ўринларга мос, дея оласиз?

- Тан олиш керакки, биринчи даврада ўз имкониятларимиз даражасида ўйнай олганимиз йўқ. Иккинчи даврада эса нисбатан яхшироқ тўп тепдик. Тартибли ўйин кўрсатдик. Натижалар ёмон бўлмади. Агарда чемпионат яна бир неча тур давом этганида "Навбаҳор" бемалол кучли тўртликдан ўрин эгалларди. 

- Ўтган мавсум якунида, мазкур йил ёзида бир қатор клублардан таклифлар бўлганди. Хусусан Туркия Суперлигаси вакили "Хатайспор" жамоаси сизни ҳарид қилмоқчи эди. "Лочинлар" сафида қолганингиз маош ва яхши шароитлар сабабми? Агарда ихтиёр ўзингизда бўлганида қайси бирини танлар эдингиз?

- Шартлар ва маошлар борасида сир сақлаш сиёсатини афзал кўраман. "Хатайспор" жуда яхши шароитларни таклиф қилди. Лекин икки томон трансферим борасида бир қарорга кела олишмади. 

- Душанбенинг "Истиқлол" жамоаси бош мураббийи Виталий Левченко ҳам сизни ўз жамоасида кўришдан хурсанд бўлишини айтганди...

- Барча таклифларни агентим билан бирга муҳокама қиламиз. Биз асосан янги таклифларни келажак фаолиятимга қанчалик таъсир қилиши ҳақида ўйлаймиз. "Истиқлол" мен ўсган, катта тажриба тўплаган жамоа. Балки бир кун келиб қайтарман.

- Собиқ жамоангизнинг ўтган мавсумдаги муваффақиятлари ва ОЧЛда кучли рақибларни мағлубиятга учратгани тасодифми?

- Йўқ, тасодиф эмас. "Истиқлол"даги кўп футболчилар Тожикистон терма жамоасида ўйнашади ва халқаро тажриба тўплашган. ОЧЛда бутун юрагим билан "Истиқлол"га мухлислик қилдим. Уларнинг ғалабасига ишондим. 

- "Навбаҳор" мухлисларига тилакларингиз ва кейинги режаларингиз билан ўртоқлашсангиз?

- Кейинги фаолиятим қандай бўлади ҳаммасини вақт кўрсатади. Мухлисларга эса стадионга келиб доим қўллаб-қувватлашларини сўраб қоламан. Улар энг яхшилари. 


Абдулазиз Искандаров суҳбатлашди

Рейтинг: +12   

Комментарии

championat.asia
< посмотреть последние новости
Яндекс.Метрика