Туркия, Экварториал Гвинея, Австралия ёхуд терма жамоамизнинг яна кимлар билан ўйинлари бекор қилинган?

Биз буни тўғри тушунамиз ва ортиқча эътирозимиз йўқ. Лекин шуниси аниқки, бу футболимиз учун янгилик эмас. Аввал ҳам вакилларимиз иштирокидаги бир қатор ўртоқлик ўйинлари бекор қилинган, улар орасида номдор рақиблар бўлганини таъкидлаш жоиз. Бунинг учун тарихга қайтамиз. 

2013 йил. Туркия 

Ўшанда Миржалол Қосимов бошчилигидаги Ўзбекистон миллий терма жамоаси 14 август куни Туркия билан Тошкентда ўртоқлик баҳсида майдонга чиқиши режалаштирилганди. Бу эса ишқибозлар учун яхши хабар бўлиб, улар Тошкентда анча вақтдан бери Европа даражасидаги терма билан ўйнашимизни кутишаётган эди, лекин Туркия футбол федерацияси ўзининг сайтида буни ҳаво ҳарорати жуда иссиқлиги билан боғлаганди. Орадан 6 йил ўтиб барибир миллий терма жамоамиз Эктор Купер бошчилигида мазкур юрт футболчиларига қарши сафарда майдонга чиқишди. Унда мезбонлар 2:0 ҳисобида ғалаба қозонишганди.

2016 йил. Молдова 

Режага кўра, 9 фераль куни термамиз Самвел Бабаян бошчилигида Молдова билан назорат ўйини ўтказиши керак эди. Лекин шу паллада  Молдова футбол федерацияси вице-президент Ион Тестемицану: "Биз 9 февраль куни Ўзбекистон билан ўйнамоқчи эдик. Руминия билан 4 ёки 5 февраль куни ўртоқлик учрашуви ўтказмоқчи бўлдик. Учрашувлар Анталия шаҳрида ўтказилиши керак эди. ЎФФ (ҳозирги ЎФА) йиғинни БААда ўтказишга қарор қилди. Бизнинг Федерацияда БААга битта ўртоқлик учрашуви учун бориш учун пул йўқ, - дейди moldliga.com сайтига.

Ўзбекистон Молдова билан ўйнамайдиган бўлди

2016 йил. Экваториал Гвинея

2 июнга белгиланган Ўзбекистон - Экваториал Гвинея халқаро ўртоқлик учрашуви Африка миллий жамоаси федерациясининг ташаббусига кўра бекор қилинади. 

Экваториал Гвинея футбол федерацияси бош котиби Тадео Нсуе Онва Африка Конфедерациясининг режасига кўра, Африка Миллатлар Кубогининг саралаши доирасида ўтказилиши керак бўлган Экваториал Гвинея-Бенин ўйини 3 июнь куни ўтказилиши мумкинлигини келтирган. "Биз Ўзбекистон Футбол Федерациясидан узр сўраймиз ва ушбу ўйиннинг яқин вақт ичида ўтказилишига умид қилиб қоламиз", - деб ёзилади Экваториял Гвинея футбол федерацияси бош котибининг мактубида.

Ўзбекистон ҳамда Экваториал Гвиниея терма жамоалари ўртасидаги ўртоқлик ўйини бекор қилинди

2016 йил. Қирғизистон

Экваториал Гвинея вариантидан аввал  ЎФА Қирғизистон билан ўйин ўтказишга қарор қилади. Бироқ бу ҳам ўхшамайди. Қирғизистон футбол федерациясининг Facebook’даги расмий саҳифаси "2 июнь куни Тошкентда бўлиб ўтиши керак бўлган Ўзбекистон ва Қирғизистон ўртасидаги баҳс мезбонларнинг ташаббуси билан бекор қилинди", - деб  маълумот берган эди. Рақиб топа олмаган ЎФА тезда клубларга хат йўллайди ва легионерлардан иборат рамзий терма жамоага қарши баҳс олиб боради. Кейинчалик улар билан 2017 йилнинг август ойида Самвел Бабаян бошчилигида "Бунёдкор" стадионида ёпиқ тарзда (5:0), 2019 йилнинг ноябрь ойида Вадим Абрамов мураббийлигида "Пахтакор" ўйингоҳида ўртоқлик ўйини ўтказишга муваффақ бўлганмиз (3:1). 

2017 йил. Арманистон 

ЖЧ-2018 саралаш босқичидан ўрин олган Сурияга қарши тайёргарлик олиб бораётган ҳамюртларимиз 9-13 февраль куни Туркияда ўқув-машғулот йиғинида Арманистон билан назорат беллашувида ўйнаши режалаштирилади. Бироқ Арманистон Туркиядаги сиёсий беқарорлик туфайли ўз йиғинини бекор қилади. 

Арманистонга қарши ўртоқлик ўйини бекор қилинди

2020 йил. Австралия

ЎФА ўтган йилнинг 6 май куни Ўзбекистон миллий терма жамоасининг Жаҳон чемпионати саралаш учрашувларига тайёргарлик режаси ва ўртоқлик учрашувлари ҳақида маълумот берди. Унга кўра, 28 май санасида вакилларимиз БААга жўнаб кетиши ва эртаси куни Австралия билан назорат ўйинида иштирок этиши керак эди. Аммо рақиб жамоа сафидаги бир нечта футболчи жароҳат олгани сабабли Австралия томони ўйинда қатнаша олмаслигини маълум қилди. Вадим Абрамов шогирдлари эса унинг ўрнига кучсизроқ бўлган Таиландга қарши тўп тепишди. Ўшанда Грэм Арнольд бу учун узр сўраганди. 

Австралия ўйинни бекор қилгани учун энди ЎФАга жарима тўлайди

Австралия билан ўйин "отмен" бўлди ўрнига Таиланд билан ўйнаймиз