Тупроқ устидаги афсоналар, "Олтин тўп"ли Мане ва тақдирланган Ҳакими. Африкада йилнинг энг яхшилари аниқланди

Маросимдан олдин ФИФА ва Африка футбол конфедерацияси афсоналари ўртасида соҳил футболи бўйича учрашув ўтказилди.

Футбол баҳсидан сўнг навбат асосий маросимга келди. Тақдирлаш очиқ осмон остида ўтказилди ва тадбирда раққосалар ҳамда хонандалар ўз санъати билан меҳмонлар кўнглини кўтаришди.

Африканинг 2019 йилдаги энг яхши ёш футболчиси соврини Дортмунднинг "Боруссия" клуби футболчиси Ашраф Ҳакимига топширилди.

Кечанинг энг асосий совринига уч футболчи номзод эди: Муҳаммад Салоҳ, Садио Мане, Рияд Марез.

Садио Мане энг кўп овоз тўплаб, "Йилнинг энг яхши футболчиси"га аталган махсус "Олтин тўп"ни қабул қилиб олди.

Йил рамзий терма жамоасидан ўрин олган футболчилар

Дарвозабон: Андре Онана («Аякс», Камерун).

Ҳимоячилар: Серж Орье («Тоттенхэм», Кот-д’Ивуар), Жоэль Матип («Ливерпуль», Камерун), Калиду Кулибали («Наполи», Сенегал), Ашраф Ҳакими («Боруссия Д» , Марокаш).

Ярим ҳимоячилар: Идрисса Гуйе («ПСЖ», Сенегал), Рияд Маҳрез («Манчестер Сити», Жазоир), Хаким Зиеш («Аякс», Марокаш).

Ҳужумчилар: Садио Мане («Ливерпуль», Сенегал), Пьер-Эмерик Обамеянг («Арсенал», Габон), Муҳаммад Салоҳ («Ливерпуль», Миср).

Маросим ранг-баранг фейерверк билан якунига етди.