Transfermarkt.de: Игорь Сергеев БАА клуби билан 2020 йил охирига қадар шартнома тузди
01 янв 2018 18:53
Новости

Transfermarkt.de: Игорь Сергеев БАА клуби билан 2020 йил охирига қадар шартнома тузди

"Пахтакор" клуби ва Ўзбекистон терма жамоаси ҳужумчиси Игорь Сергеев БАА про-лигаси иштирокчиси бўлган "Ал Дафра" клубига кўчиб ўтди.

Бу ҳақда www.championat.asia сайти жаҳонга машҳур Transfermarkt нашрига таяниб хабар берди.

Манбага кўра Сергеев БАА клубига 1,5 миллион евро эвазига кўчиб ўтган ва 2020 йилнинг 31 декабрь кунига қадар шартнома тузган. Футболчининг айни пайтдаги трансфер нархи 1,8 миллион еврога тенг деб қайд этилган Transfermarkt сайтида.

Сергеев 2015 йилда олий лига тўпурари бўлганди. Бу мавсум ҳужумчи олий лигада 13та гол урди.

"Ал Дафра" айни пайтда БАА про-лигасида 11та ўйиндан сўнг 8 очко билан 12та жамоа орасида 11-ўринда бормоқда. Жамоани суриялик Муҳаммад Квид бошқариб бормоқда. Клуб сафида айни пайтда бразилиялик Аилтон, марокашлик Иссам Эл Адоуа ва Одил Хермач, ироқлик Муҳаннад Абдул Раҳим каби легионерлар ўйнашмоқда.

Маълумот учун, Сергеев 2016 йилда Хитойнинг "Бейжинг Гоан" клубида ижарада ўйнаб қайтганди.