"Тоттенхэм" раҳбарияти Контенинг келажагини бугун тунда ҳал қилади

"Тоттенхэм" клуби бош мураббийи Антонио Конте клубдан кетишга яқин. Sky Sports нашрининг маълум қилишича, бугун, 22 март куни тунда Лондон клуби раҳбарияти мураббийнинг келажаги борасидаги қарорни қабул қилади. 

"Шпорлар" футболчиларидан бирининг агенти исми сир қолишини истаган ҳолда, Контенинг кетиши деярли аниқ бўлганини, у барча футболчилар билан қўпол муомалада бўлаётганини маълум қилган. Мураббийнинг бу ҳаракатларидан унинг кетиши кўпчиликка тушунарли бўлган. 

Маълумот учун, Конте "Саутгемптон"га қарши сўнгги дақиқаларда ғалаба бой берилган ўйиндан сўнг ўз интерьвюси билан футболчиларни айблаб, улар "комфорт зона"ларидан чиқишни истамаётганларини айтганди.