Тожикистон U-19 ўртоқлик ўйинида миллий жамоани мағлуб этди

Шу боис ҳозирда Тожикистон миллий ҳамда ёшлар терма жамоалари йиғин ўтказмоқда. Шу йилнинг 14-31 октябрь кунлари юртимизда бўлиб ўтадиган U-19 Осиё чемпионатига тайёргарлик кўраётган Тожикистон ёшлари миллий терма жамоага қарши ўртоқлик ўйини ўтказиб 2:0 ҳисобида зафар қучишди.

Мубин Эргашев бошқарувидаги жамоа сафида 18 ёшли Амадони Камолов ва Сунатулло Исмоилов томонидан киритилган голлар ёшларга 2:0 ҳисобидаги ғалабани тақдим этди. Шуни айтиш лозим, Усмон Тошев қўл остидаги катталар таркибида жамоа сардори Ахтам Назаров пенальтидан фойдалана олмади. 

Мазкур ўйинда Манчуеҳр ва Алишер Жалилов каби футболчилар иштирок этишмади. Тожикистон ёшлар терма жамоаси U-19 Осиё чемпионатида "D" гуруҳида Малайзия, Яман ва Қатарга қарши баҳс олиб боришади. 

Усмон Тошев мураббийлик қилаётган миллий терма жамоа эса сентябрда Ўзбекистон ва БААга қарши назорат баҳси ўтказади.